Агаарын чанарын албанаас гаргасан мэдээгээр өглөөний 08.00 цагийн байдлаар гурван байршилд агаар маш их бохирдолтой байна. Тодруулбал, Толгойт, МҮОНРТ, Баянхошуу орчимд агаарын чанарын индекс 501-ээс дээш буюу маш их бохирдолтой гэж гарчээ. Харин Амгалан орчимд АЧИ 401-500-ын хооронд буюу их бохирдолтой байгаа бол Баруун дөрвөн зам, 100 айл орчимд дунд зэргийн бохирдолтой байна.


 

Иймээс агаарын бохирдол ихтэй бүсэд буй иргэд гадаа биеийн хүч шаардсан ямар ч төрлийн ажил хийхээс зайлсхийж гэртээ байх хэрэгтэй. Архаг хууч өвчтэй хүмүүсийн хувьд даралтаа тогтмол хянах, эмчийн хяналтад байж эмийг хугацаанд нь уух шаардлагатай юм.

Мөн нүүрстөрөгчийн дутуу исэл их хэмжээгээр гаргадаг эх үүсвэр (тухайлбал автозам)-ээс хол байх хэрэгтэй. Түүнчлэн амны хаалт зүүхийг зөвлөж байна.

Г.Зул