Хөрөнгийн зах зээлд хөрөнгө оруулагчдын итгэл сэргэж байна. Гадаад, дотоодын хөрөнгө оруулагчдын тоо өмнөх оны мөн үеэс 6825 нэгжээр буюу 45.9 хувиар өссөн бол арилжааны дүн хоёр дахин нэмэгдэж, 208.5 тэрбум төгрөгт хүрлээ.

ҮЦТХТ-д энэ оны гуравдугаар улиралд нийт 12964 данс нээгдсэний 10689 нь шинэ, 2275 нь холболтын данс байна. Хөрөнгийн зах зээлийн нийт үнэлгээ 2.08 их наяд төгрөгт хүрсэн нь 2016 оны эцсийн байдлаарх ДНБ-тэй харьцуулсан харьцаа 8.7 хувь болсон нь жилийн өмнөхөөс 2.7 пүнктээр нэмэгдсэн үзүүлэлт юм.

Хувьцааны зах зээл дээр ТОП-20 индекс өмнөх оны мөн үеэс 60.9 хувиар, MSE-ALL индекс 29.9 хувиар өссөн бол бондын зах дээр Засгийн газрын үнэт цаасны 169.5 тэрбум төгрөгийн анхдагч зах зээлийн, 29.6 тэрбум төгрөгийн хоёрдогч зах зээлийн арилжаа хийгджээ.

П.ГОО

Оллоо.мн