“Гоёл-2018” наадмын хаалтын үйл ажиллагаа өчигдөр орой СТӨ-нд болж загварын ертөнцийнхөн шилдгүүдээ шалгарууллаа. Монголын дизайнеруудын холбооноос зохион байгуулдаг тус наадмын загварын долоо хоног энэ сарын 24-26-нд “Blue Sky”-д явагдсан юм.
Энэ жилийн наадмын топ моделиор Туяацэцэгийн Халиунаа тодорсон бөгөөд түүний шагналыг топ модель Э.Одгэрэл гардууллаа. Тэрбээр шагналаа гардан авсныхаа дараа "Би анх 2000 оноос загвар өмсөж эхэлсэн. 17 жилийн дараа топ моделийн шагналыг хүртлээ. Энэ нь надад асар их хүч хөдөлмөр, тэвчээрээр ирсэн шагнал. Маш их баяртай байна" хэмээн сэтгэгдлээ хуваалцсан юм.
Гоёл-2018 наадмын шилдгүүдийг танилцуулж байна.
Өдөр тутмын , спорт амралтын хувцасны шилдэг дизайнер: “Only one” брэндийн дизайнер Т.Энхтөр, Г.Бямбацэрэн
Гоёлын хувцасны шилдэг дизайнер: “Зосон брэндийн дизайнер Б.Шийлэгмаа
Үндэсний хувцасны шилдэг дизайнер: “Эртний монгол хийц” компанийн дизайнер Д.Уранцэцэгп
Уран сэтгэмжийн загварын шилдэг дизайнер: “Бажуна урлан” брэндийн дизайнер Б.Батсүх
Шилдэг зохион бүтээх товчоо: “Сити” их сургууль
Нэрт дизайнер Д.Түвшин агсны нэрэмжит шагнал: “Гоо-Од” салоны дизайнер н.Долгормаа
Мэргэжлийн топ байгууллагын шагнал: “Шилмэл загвар” компани
Шилдэг залуу дизайнер: Ч.Болормаа
Шилдэг загвар өмсөгч: Ш.Хишигбат, Д.Шүрэнцэцэг
Дэд байрын шагналт модель: Н.Сайнзаяа
Шилдэг фото модель: Н.Бадмаараг, Б.Батцэцэг
Шилдэг make-up artist: “SS make-up” группийн н.Сонинхүү
Шилдэг үсчин: “Хос шагай” салоны үсчин Б.Хосбаяр
Шилдэг фото зурагчин: Ч.Ганбат
Шилдэг загварлаг маскны дизайнер: Б.Энх-Оч, О.Оюунтөгс
Б.Орхон