Монгол Ардын Намын XXVIII Их хурал гурав дахь өдрөө үргэлжилж байна. Энэ хурлаар МАН-ын гүйцэтгэх төлөөллийн байгууллага болох Бага хурлыг шинэчлэн байгуулах юм. МАН-ын XXVIII Их хурлаар батлагдсан дүрмийн дагуу Бага хурал 369, Удирдах зөвлөл 29, Хяналтын ерөнхий хороо 15 гишүүнтэй байхаар тогтсон. Тиймээс хурлын эхэнд МАН-ын дарга, Ерөнхий сайд У.Хүрэлсүх Бага хуралд шинээр сонгогдох хүмүүсийг аймаг, дүүргээр нь танилцууллаа. Мөн Монгол Ардын Намын Хяналтын ерөнхий хороонд шинээр сонгогдох хүмүүсийн нэрсийг Их хурлын төлөөлөгчдөд танилцуулав.
Одоо Бага хурал болон Хяналтын ерөнхий хороонд Их хурлын төлөөлөгчид нэр дэвшүүлэх үйл ажиллагаа явагдаж байна. Үүний дараа Бага хурлын гишүүдийг нууц санал хураалтаар сонгоно.