Хүүхдийн мөнгийг 13 банкаар дамжуулан олгож эхэллээ
УИХ-ын чуулганы өнөөдрийн нэгдсэн хуралдаанаар Монгол Улсын 2017 оны төсвийн тухай хуульд өөрчлөлт оруулах тухай хууль батлагдсанаар нийт хүүхдэд хүүхдийн мөнгийг бүрэн олгоход шаардагдах 104,5 тэрбум төгрөгийн хөрөнгийг шийдвэрлэлээ. Ингэснээр энэ оны наймдугаар сараас хойш хүүхдийн мөнгөө аваагүй байгаа Монгол Улсын нийт 1043180 хүүхдийн мөнгийг он дуустал бүрэн олгох боломж бүрдэж буй юм. 

Сангийн яамны Төрийн сангийн газраас холбогдох санхүүжилтийг бүрэн хийсэн тул өнөөдрөөс буюу арваннэгдүгээр сарын 9-өөс наймаас аравдугаар  сарын хүүхдийн мөнгийг өмнө нь авч байсан арилжааны 13 банкны дансаар нь дамжуулан олгож эхэллээ. Харин үлдэж буй арван нэг, арванхоёрдугаар сарын хүүхдийн мөнгийг тухайн сарын 20-оос хойш сонгосон банкнаасаа авах боломжтой юм.

Эдийн засгийн хүндрэлтэй үед хүүхдийн мөнгийг амьжиргаа багатай зорилтот өрхийн 660 мянган хүүхдэд олгоход Засгийн газраас 2017 оны эхний хагас жилд 76,1 тэрбум төгрөг зарцуулсан бөгөөд  эхний хагас жилийн эцэст Монгол Улсын эдийн засгийн өсөлт 4-4,5 хувийн  өсөлттэй гарч, энэ оны төсвийн орлогын төлөвлөгөө 500 тэрбум төгрөгөөр давж биелэн төсвийн зорилтот үзүүлэлтүүд сайжрах төлөвтэй байгааг харгалзан Монгол Улсын Засгийн газрын 2017 оны долдугаар сарын 4-ний хуралдаанаар Өрхийн мэдээллийн нэгдсэн санд бүртгэлтэй нийт өрхийн хүүхэд бүрт хүүхдийн мөнгийг ялгамжгүйгээр олгохоор шийдвэрлэсэн. Үүний дагуу хүүхдийн мөнгөө аваагүй байсан 400 орчим мянган хүүхдийн 2017 оны эхний долоон сарын мөнгө болох 140 мянган төгрөгийг өмнө нь авч байсан арилжааны 13 банкны дансаар нь дамжуулан олгосон юм.

Шинэ төрсөн хүүхдийнхээ мөнгийг авахын тулд эх, эцэг нь өөрт ойрхон дурын арилжааны банкинд очиж өргөдлийн маягтыг бөглөн, данс нээлгүүлэн хүүхдийн мөнгөө авах боломжтой. Хэрэв хүүхдийн мөнгө авах өргөдлөө өгсөн боловч мөнгө аваагүй байгаа шинэ төрсөн хүүхдүүдийн хувьд өргөдөл өгсөн сараар нь тооцон энэ онд багтаан нөхөн олгох тул шаардлагатай мэдээллийг оршин суугаа сум, хорооны нийгмийн ажилтнаас тодруулах боломжтой аж. 
 
П.ГОО
Оллоо.мн
Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • Зочин 2017-11-10 03:17:51
    Ерөнхийлөгчийн сонгуульд би МАН-с 140 мянган төгрөгөөр эхнэрийн хамтаар аваад Баттулгад саналаа өгсөн. Энэ мөнгө бидний хүүхдийн мөнгө байсан, тэрийгээ нөхсөн.
    103.229.120.110
    Мэдэгдсэн Хариулах
  • boloroo 2017-11-09 14:20:10
    Manaih 7sariin mongo olgohod 4hen sariin mongo awsan shdee odoo guitseeo jhuu nohoj olgohuu
    202.70.46.237
    Мэдэгдсэн Хариулах
  • уншигч 2017-11-09 11:40:55
    юу вэ 8 сараас хойш ч гэх шиг, хороон дээр очоод судлагаанд хамрагдаагуй гээд аль Сайханбилэгн гаргасан тушаал узуулээд энэ онд огт монго огоогуй ш дээ.
    103.57.92.138
    Мэдэгдсэн Хариулах
  • Uransaihan 2017-11-09 11:37:43
    2017 onii 4 sariin sudalgaand hamragdaagui gd xvvxdiin burtgel bhgui gd avch chadaagui xvmvvs yah um be xoroonoos asuuxaar daxin sudalgaa yavaxiig xvlee geh um...
    103.229.121.206
    Мэдэгдсэн Хариулах
  • Иргэн 2017-11-09 11:04:44
    Үнэн үү хорооныхон гэж мэдэхгүйгээс өөр ажилгүй хүмүүс бна
    59.153.114.63
    Мэдэгдсэн Хариулах