Малын үүлдэр угсааг сайжруулах, бүртгэлжүүлэхэд хамтран ажиллах санал тавилаа
Хүнс, хөдөө аж ахуй, хөнгөн үйлдвэрийн сайд Б.Батзориг Франц улсаас Монгол улсад суугаа элчин сайд Хатагтай Элизабет Барзак болон Хөдөө аж ахуйн асуудал хариуцсан атташэ Орелиа Талваз нарыг хүлээн авч уулзлаа.

Сүүлийн жилүүдэд манай хоёр орны хоорондын хөдөө аж ахуйн салбар дахь хамтын ажиллагаа харилцан ашигтай хэлбэрт шилжиж эрчимтэй хөгжиж байна. Ялангуяа эрчимжсэн мал аж ахуй, мах, сүүний чиглэлийн фермийн аж ахуйн технологийг нутагшуулах, малын үүлдэр угсааг сайжруулах зорилгоор мах сүүний чиглэлийн үхэр, сүүний чиглэлийн ямаа, ноосны чиглэлийн хонийг амьдаар импортлон оруулж ирээд байгаа юм.

Хүнс, хөдөө аж ахуй, хөнгөн үйлдвэрийн сайд Б.Батзориг Бүгд Найрамдах Франц улстай хөдөө аж ахуйн салбарт хамтран ажиллах тэр дундаа малын үүлдэр угсааг сайжруулах, монгол ноолуурыг дэлхийн зах зээлд илүү өргөн хүрээнд гаргах  тал дээр хамтарч ажиллах хүсэлтэй байгаагаа илэрхийлээд жилд 7-9 мянган тонн ноолуур бэлтгэж дэлхийн ноолуурын зах зээлийн  30 хувийг дангаараа бүрдүүлж байгаа учраас Монгол ноолуур дэлхийн зах зээлд өрсөлдөх боломж бүрэн байгаа талаар онцолсон юм. Түүнчлэн Малын удмын сангийн цогцолборын ажил дуусч байгаатай холбогдуулан Францын тоног төхөөрөмжийн компанитай хамтран ажиллаж тус компаниас удмын сан, биотехнологи, зохиомол хээлтүүлгийн тоног төхөөрөмжийг хөнгөлттэй нөхцөлөөр худалдан авч суурилуулахад мөн малын бүртгэлийн чиглэлээр хамтарсан төсөл хөтөлбөр хэрэгжүүлэх тал дээр дэмжлэг үзүүлж, хамтран ажиллахыг элчин сайдаас хүслээ.

Уулзалтын төгсгөлд Монголын хуучны анд, хүнд хэцүү цагт тусламжийн гараа харамгүй сунгаж ирсэн Бүгд Найрамдах Франц Улстай хүнс, хөдөө аж ахуй, хөнгөн үйлдвэрийн салбарт дахь хамтын ажиллагаандаа онцгой ач холбогдол өгч ажиллах болно гэдгээ ХХААХҮ-ийн сайд Б.Батзориг илэрхийлсэн.
 
 

 

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • 00 2017-11-09 05:37:16
    mongol belcheerteioron belcheere malaa osgoj targaluulj suunii gartsiig saijruulj ajillax xeregtei bx.
  • иргэн 2017-11-07 10:39:44
    Энэ Франц Бүгд Найрамдах гэдэг ээ хаясангүй шүү, хоцродол уу
  • !!! 2017-11-06 11:39:37
    Гадаадын том төсөл тусламж орж ирэх гэхээр манай дарга нар "Надад яг хэдэн хувийг өгөх юм бэ" гээд гацаадаг сайхан уламжлалтай шүү!!!!