Н.Төгсцогтын өрсөлдөгч тулалдахаас татгалзжээ

Сонирхогчдын боксын Олимп, ДАШТ-ий мөнгөн медальт, МУГТ Н.Төгсцогт мэргэжлийн боксын рингэн дэх ээлжит тулаанаа энэ сарын 18-нд хийнэ. KING TUG хэмээх дэвжээний нэртэй тулалддаг, энэ жил 25 настай Н.Төгсцогт мэргэжлийн бокст есөн тулаан хийж, бүгдэд нь КО буюу өрсөлдөгчөө нокаутаар ялаад байгаа билээ.

Манай тамирчин Premier Boxing Champions production–д харьяалагддаг бөгөөд Н.Төгсцогтын энэ удаагийн өрсөлдөгч нь “Mayweather Promotions”-ий тамирчин Хавьер Аугустин Мартинес/АНУ/ байсан. Гэвч өнгөрсөн долоо хоногт тодорхойгүй шалтгаанаар Хавьер Мартинес Н.Төгсцогттой тулалдах боломжгүй гэдгээ мэдэгдсэн байна. Нэгэнт тов нь тодорсон, тасалбар зарагдаад эхэлсэн учраас зохион байгуулагчид буюу Mayweather Promotions-ийнхон шинэ өрсөлдөгчийн "эрэлд" яаралтай гарчээ.
 


Улмаар тэд өчигдөр/11.05/ Н.Төгсцогтын шинэ өрсөлдөгчийн тухай мэдээллээ “King Tug”-ийн багт ирүүлжээ. Н.Төгсцогтын шинэ өрсөлдөгчөөр Филиппиний боксчин Хармонито Дела Торре тодорсон байна. Энэ жил 23 настай, "Алх" хочит Торре АНУ-ын Флорида мужийн Майами хотноо суурин амьдарч бэлтгэл сургуулиа базаадаг бөгөөд мэргэжлийн рингэнд 19 тулаан хийж, нэг ч ялагдаагүй байна. Үүнээс 12 тулааныг КО буюу нокаутаар дуусгажээ. Мөн Торре 2014 онд World Boxing Federation холбооны Олон улсын болон Дэлхийн аварга болж байсан аж.

Тулаан АНУ-ын Невада мужийн Лас Вегас хотноо The Cosmopolitan цогцолборт болох бөгөөд тасалбар нь 29$-149$-ийн үнэтэй. Мөн Bounce TV тулааныг АНУ-ын Баруун эргийн цагаар 2017 оны 11 дүгээр сарын 18-ны оройн 18 цагаас шууд дамжуулах юм.

Б.Орхон

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • Хүний бичсэн юм 2017-11-08 02:28:45
    Хүний цаг зав гаргаж хөдөлмөрлөж бичсэн мэдээллийг копи паст хийчэхээд нэрээ бичихдээ ичдэггүй юм уу Орхон гэдэг хулгайч
  • Баяр 2017-11-06 18:35:36
    Түүнд монгол цус монгол омогшил бий Тулаан хэрхэн өрнөхийг харан байж л болоё
  • erdene 2017-11-06 17:00:44
    manai khun aluulakh ni ee yana aa
  • fuck 2017-11-06 13:59:16
    evgui gartai uzehndee
  • MS 2017-11-06 03:28:07
    KO