Монгол улсын иргэн Н, М нар энэ оны дөрөвдүгээр сарын 29-ний өдөр Улаанбаатар- Эрээн чиглэлийн олон улсын суудлын галт тэрэгний 516 дугаар вагоны тавдугаар купейнд зорчиж явахдаа хуульд заасны дагуу хориглосон бараа болох 5286.40 гр алтыг Монгол Улсын хилээр хууль бусаар нэвтрүүлэхийг завдсан хэрэг гарч байсан.
Тэгвэл хэргийг хуулийн байгууллагаас хэлэлцээд шүүхэд шилжүүлсэн байна. Улмаар энэ оны наймдугаар сарын 24-ны өдөр Дорноговь аймгийн Замын-Үүд сум дахь сум дундын шүүхийн эрүүгийн шүүх, аравдугаар сарын 12-ны өдөр Дорноговь аймгийн Эрүү, Иргэний хэргийн давж заалдах шатны шүүхээр хэлэлцсэн байна. Улмаар хилээр нэвтрүүлэхийг завдсан алтыг хурааж, Н, М нарыг тус бүрийг хоёр мянга таван зуун нэгжтэй тэнцэх хэмжээний буюу 2,500,000 төгрөгийн торгох ялаар шийтгэсэн байна.
П.ГОО
Оллоо.мн