Жүдо бөхийн дэлхийн чансааны оноо олгох Абу Дабигийн Гранпри тэмцээн өнөөдөр эхэлнэ.
Тус тэмцээнд 48 улсын 290 жүдоч зодоглохоор мэдүүлгээ өгчээ. Монголын тамирчдын тухайд эрэгтэй зургаа, эмэгтэй хоёр, нийт найман тамирчны бүрэлдэхүүнтэй оролцоно.
Тодруулбал, эрэгтэйчүүдийн 60кг-д гавьяат тамирчин Г.Болдбаатар, 66кг-д ОУХМ Д.Төмөрхүлэг, ОУХМ Г.Хэрлэн, 73кг-д ОУХМ Г.Одбаяр 81кг-д ОУХМ Н.Дагвасүрэн, ОУХМ Г.Отгонбаатар нар зодоглох бол эмэгтэйчүүдийн 52кг-д Б.Хорлоодой, 57 кг-д МУГТ Д.Сумъяа нар оролцохоор мэдүүлжээ.
Б.Орхон