Олимп, дэлхийн аварга, Дэлхийн цомын дөрвөн удаагийн аварга, АНУ-ын алдарт бөх Дэйв Шульцийн нэрэмжит тэмцээн ирэх сарын 1-4-ний өдрүүдэд АНУ-ын Колорадо Спрингс хотод болно.
20 дахь удаагийн тэмцээнд манай улсаас Азийн АШТ болон залуучуудын ДАШТ-ий хүрэл медальт, ОУХМ Батчулууны Анхбаяр 74 кг-ын жинд оролцохоор болжээ Мөн АНУ-ын Мэриландын их сургуульд чөлөөт бөхийн туслах дасгалжуулагчаар ажиллаж буй, спортын мастер Санжаагийн Ганбаяр 65 кг-д зодоглох юм байна.
Манай улсаас тус тэмцээнд 2008 онд гавьяат тамирчин Баяраагийн Наранбаатар алт, ОУХМ Буянжавын Батзориг, Сэнгэдоржийн Сүхбаатар нар хүрэл медаль хүртэж байжээ.
Б.Орхон