Шинэ оюутанд зориулсан “Хотын соёл” аян эхэллээ. Энэ аяныг дөрөв дэх жилдээ ШУТИС-д зохион байгуулж байна.
3000 гаруй оюутан хамрагдах тус аяны хүрээнд хотын соёлтой холбоотой 19 удаагийн лекц, семинарыг ШУТИС-ийн түүхийн багш нар, замын цагдаагийн газрын мэргэжилтнүүд заана.
Мөн тус аяны хүрээнд “flash mob” зохиохоор төлөвлөжээ.
“Зам тээврийн осолд өртөж байгаа хүмүүсийн дийлэнх нь 18-35 насны хүмүүс байдаг. Энэ насны залуусын 40 гаруй хувийг оюутнууд эзэлж байна. Оюутнуудыг зам тээврийн ослоос урьдчилан сэргийлэх, соёлтой иргэнийг төлөвшүүлэхийн тулд энэ аяныг зохион байгуулж байна” гэж Замын цагдаагийн албаны захиргааны удирдлагын хэлтсийн мэргэжилтэн Х.Одбаяр хэлэв.
“Хотын соёл” аян нь арваннэгдүгээр сар хүртэл үргэлжилнэ.
Б.Орхон