УИХ-ын чуулганы нэгдсэн хуралдаан үргэлжилж байна. Чуулганаар энэ оны төсвийн тодотголтой холбогдуулан гишүүд саналаа хэлж байгаа юм. Төсвийн тодотгол хэлэлцэж байгаатай холбогдуулан багш, эмч нарыг цалинг нэмэгдүүлэх асуудлаар санал шүүмжлэлүүд чуулганы танхимд өрнөж байна. Сангийн яамны зүгээс Валютын сангийн хөтөлбөрийн хүрээнд цалин нэмэх боломжгүй гэсэн тайлбарыг өгөөд байгаа билээ.
Тэгвэл УИХ-ын гишүүн Д.Сарангэрэл энэ асуудлаар “Эмч, багш нарын цалинг нэмэхэд гишүүд татгалзахгүй байна. Цалин хөлс нэмэхэд ур чадвартай нь холбох хэрэгтэй. Багш, эмч нарын цалинг нэмэхдээ тэгштгэж болохгүй. Ажлын үзүүлэлт, чанар хэрэгтэй” гэсэн юм.
П.ГОО
Оллоо.мн