Жуулчид манай улсад жилд 310 сая ам.долларын орлого оруулдаг

Дэлхийн аялал жуулчлалын өдрийн тохиолдуулан БОАЖЯ-наас “Нүүдлийн аялал жуулчлалыг хөгжүүлэх нь” сэдэвт эрдэм шинжилгээний бага хурлыг зохион байгууллаа.

Хурлыг БОАЖ-ын дэд сайд Ц.Батбаяр нээж хэлсэн үгэндээ, “Жил бүрийн есдүгээр сарын 27-ны өдөр нь дэлхийн бөмбөрцгийн аялал жуулчлалын төгсгөл, өмнөд хагасын аялал жуулчлалын улирлын эхлэл болж байдаг завсарын үе учраас тухайн жилд аялал жуулчлалын салбарынхан хийсэн бүтээсэн ажлаа дүгнэдэг. Улмаар цаашид хийхээр төлөвлөсөн ажлаа хэлэлцэх хамгийн тохиромжтой цаг хугацаа болдог учир энэ өдрийг онцлон “Дэлхийн аялал жуулчлалын өдөр”-ийг тэмдэглэх болсон билээ. Сүүлийн 5 жилд дэлхийн аялал жуулчлалын бүтээгдэхүүн дунджаар 4 хувь өсч, 2030 он гэхэд олон улсын жуулчдын тоо 1.8 тэрбумд хүрэх төлөвтэй байна. Олон улсын энэхүү чиг хандлагыг харгалзан Монгол Улсад аялал жуулчлалыг нэгдсэн бодлого, зорилттой хөгжүүлэх зорилго бидний өмнө тулгарч байна. Тиймээс энэ удаагийн эрдэм шинжилгээний бага хурал Монгол Улсад тогтвортой аялал жуучлалыг хөгжүүлэхэд тодорхой хувь нэмэр оруулна гэдэг найдаж байна” гэсэн юм.

НҮБ-ын Дэлхийн аялал жуулчлалын байгууллагаас 1980 оны 9 дүгээр сарын 27-ны өдрийг “Дэлхийн аялал жуулчлалын өдөр” болгон анх зарласнаас хойш жил бүр энэхүү өдрийг тодорхой зорилгын дор тэмдэглэж ирсэн. Энэ жилийн хувьд НҮБ-аас 2017 оныг “Hөгжлийн төлөөх тогтвортой аялал жуулчлалын жил” болгон зарласан юм. Тэгвэл энэ удаагийн эрдэм шинжилгээний бага хуралд оролцож, илтгэл тавьсан илтгэгчдийн зүгээс Монголын Улсын тогтвортой аялал жуулчлалын хөгжлийн түлхүүр нь Нүүдлийн аялал жуулчлал мөн гэдэгтэй санал нэг байсан юм.

Хурлын үеэр БОАЖЯ-ны Аялал жуучлалын бодлого зохицуулалтын газрын мэргэжилтэн С.Баясгалан “Монголын аялал жуулчлалын өнөөгийн байдал, цаашдын чиг хандлага” сэдвийн хүрээнд илтгэл тавьсан. Тэрбээр Монгол Улсын хувьд аялал жуулчлал нь шинээр хөгжиж буй салбар хэдий ч ДНБ-ий 5.4 хувийг бүрдүүлж, 54 мянган ажлын байрыг бий болгож, дотоодын эдийн засагт жилд дунджаар 310 сая гаруй ам.долларын орлогыг төвлөрүүлж байгаа бөгөөд 2017 оны эхний хагас жилд Монгол Улсад ирж буй гадаадын жуулчдын тоо 19.5 хувиар өссөн болохыг онцолсон.

Улмаар Монгол Улсын Засгийн газраас аялал жуулчлалын салбарыг хөгжүүлэх ажлын хүрээнд Хэнтий аймгийн Дадал сумын нутагт “Мянганы суут хүн-Их эзэн Чингис хаан” түүхэн аялал жуулчлалын цогцолбор байгуулах, Хөвсгөл нуурын БЦГ-т “Нутгийн иргэдийн амжиргааг дээшлүүлэх, орчны доройтлыг бууруулах, тогтвортой аялал жуулчлалыг хөгжүүлэх”, “Ганга, Өгий нуурын экосистемийг хамгаалах-Тогтвортой аялал жуулчлалыг хөгжүүлэх”, аялал жуулчлалын гол зам, чиглэлийн дагуу түр буудаллах цэг, үйлчилгээний цогцолборууд байгуулах, Улаанбааатар хотод албан, бизнес аялал жуулчлалыг хөгжүүлэх зэрэг олон ажлуудыг эхлүүлээд байгааг танилцууллаа.

Мөн үеэр БОАЖ-ын зөвлөх, доктор Д.Гансүх “Торгоны замын аялал жуучлал” сэдвээр, профессор О.Сүхбаатар “Цайны замын аялал жуулчлал” сэдвээр тус тус илтгэл тавьж, оролцогчдын дунд хэлэлцүүлэг өрнүүлсэн юм.

 

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • хэхэ 2017-09-28 03:54:11
    оюунхорол чи ядаж боловсон жорлонтой усанд орох газартай болгочихоод цалингаа ав
  • Syrtalchilgaa muu bna?... 2017-09-27 16:31:16
    mas muu bna s dee!!juulchid abaad hanachihsan gazart bol erdiin too!!!heden terbymaar ni tatah chag ireh ni yy?