Монголын чөлөөт бөхийн эрэгтэй бөхчүүд нэрт дасгалжуулагч Дмитрий Коркиний нэрэмжит олон улсын тэмцээний өмнө Якутын бөхчүүдтэй хамтарсан бэлтгэл хийж байна. Тэгвэл хоёр орны бөхчүүдийн дунд нөхөрсөг халз барилдааныг өнөөдөр эрэгтэйчүүдийн найман жинд зохион байгуулж, талбайн эзэд 6:2-оор давамгайллаа.
Манай улсаас хоёр ялалтыг хүнд жинд байгуулсан юм. Тодруулбал, 97 кг-д Б.Одсүрэн Никита Валеевийг 10:4-өөр, 125 кг-д М.Лхагвагэрэл Ион Болтуновыг 9:0-ээр тус тус ялжээ. Харин ОУХМ Т.Тулга эзэн орны Константин Власовт 2:4-өөр, үлдсэн нь өрсөлдөгчдөө оноогоор цэвэр ялагдсан байна.
Б.Орхон