Байдрагийн гол, Бөөнцагаан нууранд аюул учирлаа

Баянхонгор аймгийн Галуут сумын иргэд тус суманд хууль бусаар уул уурхайн олборлолт хийх гэж байгааг эсэргүүцэж, өчигдөр хэвлэлийн бага хурал зарлалаа. Засгийн газрын 2016-2020 оны үйл ажиллагааны хөтөлбөрийг хэрэгжүүлэх, эдийн засгийг сэргээх зорилгоор “Алт-2” хөтөлбөрийг хэрэгжүүлж эхэлсэн юм. Тус хөтөлбөрийг хэрэгжүүлснээр Баянхонгор аймгийн Байдрагийн гол сав дагуу нөхөн сэргээлт нэрийн дор алтны  уурхай олноор орж, байгаль орчин, ан амьтанд хохирол учруулж, уламжлалт мал аж ахуйн үйлдвэрлэлийг эрхлэхэд аюул нүүрлэж байна гэв.

Тус газар үйл ажиллагаа явуулж буй уурхай нь Монгол Улсын үндсэн хууль, Засаг захиргаа нутаг дэвсгэрийн нэгж түүний удирдлагын тухай хууль зэрэг олон хуулийг ноцтой зөрчиж байна гэж иргэд үзэж байгаа юм. Учир нь орон нутгийн удирдлага, зарим шуналдаа хөтлөгдсөн нутгийн иргэдтэй хуйвалдан багийн ИНХ-ыг хуралдсан хэмээн хууль бусаар баримт бүрдүүлэн зөвшөөрөл авсан байна. Уг хэрэгтээ хурал болоогүй байтал хуралдсан болгож, ард түмнийг зөвшөөрсөн мэтээр хуурамч тогтоол шийдвэр гаргаж, зөвшөөрөл авсан нь шударга бус байна хэмээн малчид хэллээ.

Мөн өнгөрсөн хавар Байдрагийн голд мөнгөн ус ашиглаж алт олборлосон тохиолдол ч илэрснийг хууль хяналтын байгууллагууд нуун дарагдуулж, нутгийн иргэдэд бурууг тохоод өнгөрсөн байна. Үүнд бухимдсан иргэд тухайн хэргийг сайтар шалгаж, үнэн мөрийг илрүүлэхийг хүсчээ.

Монгол Улсын Үндсэн хуулийн нэгдүгээр бүлгийн зургаадугаар зүйлийн нэгд “Монгол Улсад газар, түүний хэвлий, ой, ус, амьтан, ургамал болон байгалийн бусад баялаг гагцхүү ард түмний мэдэл, хамгаалалтад байна” гэж заасан байдаг. Тиймээс Үндсэн хуулиа даган мөрдөхийг давхар шаардлаа.

Тус газар малчдын хаваржаа, намаржааны гол бэлчээр Их, Бага дугуй, Агдын ам, Оруулгын ам, Нарийны ам, Ар булгийн ам гээд л голын хавцал дагуу байгалийн үзэсгэлэн бүрдсэн сайхан нутгууд байхаас гадна ховордсон ан амьтан, араатан шувууд, эмийн ургамал, харз булгууд байдаг аж. Энэ оны тавдугаар сард нэн ховордсон цоохор ирвэс хүртэл ирж нутагшсаныг ч иргэд өгүүлж байв.

Гэтэл өнгөрсөн хоёр cap гаруйн хугацаанд “Тулга жаргалант’’ ХХК ямар ч зөвшөөрөл, бичиг баримтгүйгээр байгалийн баялгийг ухаж эхэлсэн бөгөөд нутгийн иргэд тэмцсэн ч арга хэмжээ авч чадахгүй явсаар өнөөдрийг хүрчээ.

Өглөөний сонин
Э.Энхтуяа
Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • Ааниу 2018-04-07 13:16:09
    Монголчуудаа хойч уеийнхнийхээ телек тэмцэх цаг нэгэнт болжээ. Тэмцдэггуй ард тумэн сенедег!!!!!!
  •  2018-04-07 02:17:59
    БОСОХ Л ХЭРЭГТЭЙ. БИД НЭЭРЭЭ ЮУ БОЛООД БАЙНАА?
  • !!! 2017-09-22 01:28:03
    Teree l harya daa yu hiihiig ni hiideggui awaas Temzey temzey !
  • Bayanhongorchyyd aa!!gazar nytagaan hamg 2017-09-21 08:22:02
    ard tymen bosoh ni garzaagyi ee!!!!odoo dahiad baigaliaan yamar ch alt erdneseer syitgyylehgyigeen ard tymen medeh biz dee!!!Bayanhongorchyyd aa!!gazar nytagaan...
  • albaker 2017-09-21 07:59:50
    Сайхан өдөр , Та зээл хайж байгаа, хувийн зээл хайж байна уу? зээл, орон сууцны зээл, автобусны зээл, оюутны зээл, нэгтгэлийн зээл, үл баталгаажсан зээл, хам...
  • зочин 2017-09-21 06:58:23
    Баянхонгорын засаг дарга гэж боловсролгүй, алтны ченж мөнгөний үнэр авахаараа юу ч хийдэг золиг энэ сайхан нутгийг сүйдлэх нь дээ