Чингэлтэй хайрханыг тахиж, лус савдгийг нь аргадав

Чингэлтэй дүүргийн ИТХ-ын тогтоолоор Чингэлтэй хайрханыг тайх их тахилгыг таван жилд, бага тахилгыг хоёр жилд нэг удаа тус тус зохион байгуулахаар шийдвэрлэсэн. Үүний дагуу Чингэлтэй дүүрэг үүсэн байгуулагдсаны 25 жилийн ойг тохиолдуулан, Чингэлтэй хайрхан уулын тэнгэр, сахиусыг тайх бага тайлга тахилгын ёслолын үйл ажиллагааг намрын эхэн сарын шинийн 25-ны билигт өдөр, аргын тооллын есдүгээр сарын 15-ны өдөр зохион байгууллаа.

Бага тайлга тахилгын ёслолд тус дүүргийн удирдлагууд, албан хаагчдын төлөөлөл, дүүргийн хамтын ажиллагаат ОХУ-ын Бүгд Найрамдах Саха улсын Хангаласский дүүрэг, ОХУ-ын Улаан-үд хотын Советский дүүрэг, БНХАУ-ын ӨМӨЗО-ны Манжуур дүүрэг, БНХАУ-ын ӨМӨЗО-ны Сөнд Баруун хошуу, Бүгд найрамдах Солонгос Улсын Инчон хотын Ёнсу дүүрэг, Архангай аймгийн Чулуут сум, Хэнтий аймгийн Баян овоо сумын зочид төлөөлөгчид болон иргэд сүсэгтэн олон оролцсон юм.

Ёслолын үйл ажиллагааг төрийн ёслол,  шашны зан үйлээр хамтарч үйлдэн Монгол Улсын далбаа, Нийслэлийн туг болон Чингэлтэй дүүргийн тугийг залж, Төрийн дууллаа эгшиглүүлэн их овоондоо мэхийн ёсолсноор эхлэв.









Шашны уламжлалт ёсоор Жанчивлан хийдийн лам хуврагууд тусгай дэг жаягийн дагуу буян номын хур буулгаж сүсэгтэн олны буян хишгийн урин даллага авч, хайрханы сахиусыг аргадаж тайллаа. Үүний дараа тус дүүргийн Засаг дарга Ж.Эрдэнэбат хайрханд хандсан захирамжийн айлтгалаас адис аван, сүсэгтэн олонд дуудан уншиж, галын бурханд өргөлөө.

Лам хуврагууд хайрханд иргэдийг даатган ном хурж тэнгэр, сахиусыг тайх даллагын тариа будаанаас хишигтэн олонд зэд хүртээсэн юм. Өргөл мөргөлийн ёслолыг үйлдсэний дараа иргэд сүсэгтэн олон их овооноос гороолон буулаа.









Б.Орхон

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • ama 2017-09-17 11:50:10
    Shashinaar ih hootsoldog ni toorogdol,munhaglal
  • tfrtd 2017-09-17 05:26:14
    зүгээр байсан газар очиж баахан хог тарьж дээ дээлтэй сармагчингууд чинь ...
  • Zochin 2017-09-17 02:47:06
    Odo ene balai uyma bolih heregteshdee
  • Мухар сүшиг! 2017-09-16 14:36:16
    Уул овоо тахих нь бөөгийн ёс заншил, шарын шашинд огт падгүй зүйл! Төр, шашин тусдаа гэж тунхагласан атал төр холилдоод явж байдаг!!!!
  • УУЛЫНХАА ОРОЙ ЗУЛАЙ МАГНАЙ ДЭЭР ГИШГЭЛЖ  2017-09-16 14:29:50
    Уулынхаа бэлээс тахихаар яадаг юм. Орой дээр нь гишгэлж өгөх юмаа. Толгой дээр нь гарч суучихаад юугаа гуйгаад байгаа юм бол хөөрхий
  • Baatar 2017-09-16 14:27:18
    Tom tenegtelt bolj bna.
  • МГЛ 2017-09-16 11:31:54
    мөнгөний гарлага, сэтгэлээ хуурах нэг хэлбэр. Ингэж байхаар хайрхандаа бүх нийтийн цэвэрлэгээ зарлаад мод тарих аян явуулбал илүү үр дүнтэй л байх.
  • Tlg 2017-09-16 10:41:00
    Ингэж уулаа усаа бузарлаж байхаар бүгд нийлээд чингэлтэй уулаа цэвэрлэсэн нь дээр дээ
  • mgl 2017-09-16 07:15:25
    iim erguu balai umaar toriin ajil yavj bh gej