Дорнод аймагт шүлхий өвчин гарлаа
Дорнод аймгийн Булган, Хөлөнбуйр суманд малын гоц халдварт шүлхий өвчин гарчээ.

Тодруулбал, Хөлөнбуйр сумын нэгдүгээр багийн нутаг “Өлзийтийн хөндий” гэх газар нутаглаж буй малчин Б-гийн суурьт нийт 15 тооны мал, Булган сумын дөрөвдүгээр багийн нутаг “Туг уул” гэх газар отроор нүүж яваа Төв аймгийн Жаргалант сумын малчин Г-ийн суурьт 46 үхэр, 25 хонь нийт 71 тооны малд шүлхий өвчний шинж тэмдэг илэрч, лаборторийн шинжилгээр батлагджээ.

Үүнтэй холбогдуулан тус  аймгийн Онцгой комисс хуралдаж тус сумдад үүссэн нөхцөл байдлын талаар шуурхай арга хэмжээ авч, сумдын удирдлагуудад холбогдох үүрэг чиглэл өгсөн байна. Мөн өвчний шинж тэмдэг илэрсэн малыг устгалд оруулахаар болжээ. Түүнчлэн Мал эмнэлэг үржлийн газраас яаралтай 20 литр вакцин /ОХУ-д үйлдвэрлэсэн/ татан авч байгаа бөгөөд шүлхийн голомтонд байгаа бүх малд нийт 10,5 литр вакциныг зарцуулах аж.

Одоогоор өвчин гарсан сумдад хорио цээрийн дэглэм тогтоосон байна. Мөн Баянтүмэн, Булган, Хөлөнбуйр суманд ариутгалын цэгүүд ажиллуулж байгаа бөгөөд автомашины төрлөөс хамаарч 1000-3000 төгрөгний хураамж авч байгаа аж.
 
Б.Орхон
Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • зочин 2017-09-15 05:32:39
    ундсэн хуулинд тунхаглаад ч малаа хамгаалж чадахгуй нь худлаа тунхаглахын оронд мал эмнэлгээ сергээ
  • Батаа 2017-09-15 03:40:55
    Уухай ээ, Монгол ялна.
  • Бат 2017-09-15 03:24:42
    Монгол улс мал аж ахуйн орон гэх мал эмнэлгийн улсын системээ устгасан нь хамгийн тэнэг асуудал одоо малын хөлийн татвар аваад эргэж мал эмнэлгээ улсад авах