Хөшигийн хөндийн нисэх буудлын ангарын ажлыг түргэвчлэхээр болов

Зам, тээврийн хөгжлийн сайд Д.Ганбат Японы Олон улсын хамтын ажиллагааны байгууллага /Жайка/-ын тэргүүн дэд ерөнхийлөгч Иригаки Хидэтоши тэргүүтэй төлөөлөгчидтэй уулзаж, хамтын ажиллагааны талаар санал солилцлоо.

Сүүлийн жилүүдэд Монгол, Япон хоёр улсын харилцаа, хамтын ажиллагаа дэд бүтэц, тээвэр, тэр дундаа агаарын тээврийн салбарт амжилттай өргөжин тэлж байгааг сайд уулзалтын эхэнд онцлов.  Тэрээр “Өргөн уудам газар нутагтай, хүн ам сийрэг суурьшсан, далайд гарцгүй манай орны хувьд агаарын тээврийн салбар бол тэргүүлэх ач холбогдолтой салбаруудын нэг. Энэ утгаараа агаарын тээврийн салбарыг хөгжүүлэх бодлогыг тууштай барьж ажиллаж байгаа. Улаанбаатар хотын олон улсын шинэ нисэх онгоцны буудал барих төсөл бол агаарын тээврийн салбарын хөгжилд үнэтэй хувь нэмэр оруулж буй чухал ач холбогдолтой төсөл яахын аргагүй мөн” хэмээн хэллээ. Шинэ нисэх буудлыг ойрын хугацаанд ашиглалтад оруулах, цаашид хэрэгжүүлэх үйл ажиллагааг тогтвортой, ашигтай, ая тухтай байлгахад чиглэсэн арга хэмжээг Зам, тээврийн хөгжлийн яам тус байгууллагатай хамтран авч байгаа юм. Монголын талын хариуцан хэрэгжүүлэх ажлуудын нэг болох шинэ нисэх буудлын ангарын барилгыг төслийн зээлийн үлдэгдэл хөрөнгөөр барих санал солилцох уулзалтыг өнгөрсөн сард Зам, тээврийн хөгжлийн яам, Иргэний нисэхийн ерөнхий газар, ЖАЙКА, “Мицүбиши-Чиёода” хамтарсан түншлэл, “Жалюкс компани” болон Төсөл хэрэгжүүлэх нэгжийн удирдлагуудын хамт зохион байгуулжээ.

Боломжит хувилбаруудыг хэлэлцсэний дүнд, Испанийн ГАПTEK компанийн санал болгож буй сайжруулсан хөнгөн цагаан хийцийн ангарын барилга барих төсөвт өртгийн нарийвчилсан тооцоог хийхээр шийдвэрлэсэн байна.

Одоогийн байдлаар Шинэ нисэх буудлыг ашиглалтад оруулахад шаардлагатай хөрөнгө оруулалтуудыг шийдвэрлүүлэх, хэрэгжилт нь удааширч байгаа ажлуудыг түргэтгэх, нисэх буудлын менежментийн хэлэлцээг эрчимжүүлэх асуудлуудыг тусгасан “Улаанбаатар хотын Олон улсын нисэх онгоцны шинэ буудлыг ашиглалтад оруулахад шаардлагатай арга хэмжээний тухай” Засгийн газрын тогтоолын төслийг Засгийн газрын хуралдаанаар хэлэлцүүлж батлуулахаар ажиллаж байгаа талаараа сайд Д.Ганбат уламжиллаа.

Ноён Иригаки Хидэтоши Зам, тээврийн хөгжлийн яам болон Жайка олон улсын байгууллага хамтран томоохон бүтээн байгуулалт, төсөл хөтөлбөрүүдийг амжилттай хэрэгжүүлж, хамтран ажиллаж байгаа нь хоёр улсын хамтын ажиллагаанд ихээхэн чухал ач холбогдолтой гэдгийг онцлов. Цаашид шинэ нисэх буудлын ангарын ажлыг хүйтний улирал эхлэхээс өмнө түргэвчилж, удаашралтай байгаа зарим ажлуудыг эрчимжүүлэхээр боллоо.

Эх сурвалж: ЗТХЯ

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • Ариунаа 2017-09-13 06:44:08
    Gegeelelg ym oruuldag ym erni bna u
  • Ариунаа 2017-09-13 06:17:11
    Gegeelelg ym oruuldag ym erni bna u
  • Батцэцэг 2017-09-13 06:08:58
    Aytaihan bichej boldoggui ym bhda
  • kkk 2017-09-13 05:57:45
    Baagiid nohoi doloi bas neg bugs doloogch n uuu hahah, sain dolooo sain dolooo udahgui hel chin baasandaaa umuruud tasarch unah blgui kkkkk
  • Баагий 2017-09-13 05:41:40
    Битгий горьд. Ганбат зайлахгүй, дараагийн засгийн газарт ч үлдэж ажиллана.
  • novshnuuudad 2017-09-13 04:55:26
    zailah gj bgaaa pizdaaaaa asuudal shiided bh shaardlaggui shuuuuu, ganbataaaa
    • Zochin 2017-09-13 05:48:26
      Chi bitgii hutsaad bai za yu yu ch hiij chadahgui belenchleh setgelgeetei mal harin ch gants jinhene mergejliin hunen udirdaad odool neg gorimondoo orj bna.