Боксын дэлхийн аварга шалгаруулах тэмцээн Германы Хамбург хотноо  энэ сарын 26-нд эхэлсэн. ДАШТ-ий медалийн төлөөх, шигшээ тоглолтууд өнгөрсөн шөнө эхэллээ. Тус тэмцээнд өрсөлдөж буй Монголын гурван тамирчин хүрэл медалийн төлөөх тулаануудаа хийлээ.

Тодруулбал, 49 кг-ын жинд өрсөлдөж буй ОУХМ Г.Ган-Эрдэнэ хүрэл медалийн төлөөх тоглолтод Риогийн олимпийн мөнгөн медальт, Колумб улсын боксчин Юберхен Мартинезэд ялагдлаа. Мөн тэмцээний 64 кг-д ОУХМ Б.Чинзориг шөвгийн наймын тоглолтод ялагдсанаар энэ жилийн ДАШТ-ийг өндөрлүүлж байна. Тэрбээр, хүрэл медалийн төлөөх тоглолтод 2017 оны Европын аварга, Армяны боксчин Оганес Бачковтой тоглож, 4:1 харьцаатай хожигдлоо.
 
Харин тэмцээний 60 кг-д өрсөлдөж буй олимпийн наадмын хүрэл медальт, Азийн аварга МУГТ Д.Отгондалай хүрэл медалийн төлөө  Венесуэлийн тамирчныг 5:0 харьцаагаар ялж, цаашид медалийн өнгөө хувиргах боломжтой боллоо. Ингэснээр манай тамирчин олимп, дэлхийн хос медальтан болж байгаа юм.
 
Д.Отгондалай есдүгээр сарын 1-нд медалийн өнгөө хувиргах тулаанаа Францын тамирчинтай хийнэ. 

Б.Сансар

olloo.mn