МАН-ын бүлэг өчигдөр товлосон хугацаанаас цаг гаруй хугацааны дараа хуралдаанаа бүрэн хамгаалалт дунд явууллаа.
Энэ өдрийн хуралдаанаар Ерөнхий сайд Ж.Эрдэнэбатыг огцруулах, Шадар сайдын албанаас чөлөөлөгдөх У.Хүрэлсүхийн хүсэлтийг үргэлжүүлэн хэлэлцсэн тодорхой шийдэлд хүрэлгүй тарсан байна.
Хуралдааны дундуур УИХ-ын гишүүн Ц.Нямдорж Засгийн газрыг огцруулах бичигт гарын үсэг зурсан талаар УИХ-ын гишүүн Т.Аюурсайхан өөрийн цахим хуудаснаа мэдээлсэн. УИХ-ын дэд дарга Ц.Нямдорж гарын үсэг зурснаар Засгийн газрыг огцруулах саналд 31 гишүүн нэгдээд байгаа юм. Үүнтэй зэрэгцэн эдгээр 31 гишүүдээс 10 гишүүн нь саналаа буцаасан гэх мэдээлэл гараад байна.
Эх сурвалжуудын мэдээллээр өчигдөр бүлгийн хуралдааны үеэр гишүүдийн зарим нь Засгийн газраа тогтвортой байлгаж, шахаж, шаардаж ажиллуулах хэрэгтэй гэсэн байрыг суурийг илэрхийлсэн байна. Гэвч МАН-ын бүлэг байр сууриа нэгтгэж чадаагүй хэвээр хуралдаанаа завсарлуулжээ.
Оллоо.мн