Хөрөнгө оруулагчид тогтвортой байдлыг хүсч байна
ЗГХЭГ-ын дарга, Хөрөнгө оруулагчдын эрх ашгийг хамгаалах зөвлөлийн дарга Ж.Мөнхбат Монгол Улсад үйл ажиллагаа явуулж буй БНХАУ-ын хөрөнгө оруулагчид, аж ахуйн нэгжүүдийн төлөөлөлтэй өнөөдөр уулзалт хийлээ. Тэрээр Монгол Улсын хөрөнгө оруулалтын бодлого болон Засгийн газрын дэргэдэх Хөрөнгө оруулагчдын эрх ашгийг хамгаалах зөвлөлийн үйл ажиллагааны талаар танилцуулж, тэдний сонирхсон асуултад хариулав.

Монгол Улсын Засгийн газраас эдийн засгийн уналтыг зогсоох чиглэлээр авч буй арга хэмжээ, ОУВС зэрэг түнш байгууллага, орнуудтай үр дүнтэй хамтран ажиллаж буйгийн дүнд манай улсын эдийн засагт нааштай төлөв ажиглагдаж, энэ оны хагас жилийн байдлаар 5.3 хувийн өсөлттэй гарсан, мөн хөрөнгө оруулагчдын итгэл сэргэх хандлага ажиглагдаж буйг Ж.Мөнхбат сайд онцлов. Үүний зэрэгцээ хөрөнгө оруулалтын эрх зүйн орчныг илүү тогтвортой, таатай болгох үүднээс цаашид ч арга хэмжээ авах, тухайлбал “хөрөнгө оруулагчаас төрийн захиргааны байгууллага, албан тушаалтанд хандаж гаргасан өргөдөл, гомдлыг хянан шийдвэрлэх журам”-ын төсөл боловсруулж батлуулахаар ажиллаж буйг тэмдэглэв. Тэрээр мөн Засгийн газрын зүгээс Иж бүрэн стратегийн түншлэлийн харилцааны хүрээнд БНХАУ-тай бүхий л салбарын хамтын ажиллагааг гүнзгийрүүлэн хөгжүүлэхийн төлөө ажиллах, “Хөгжлийн зам” болон ”Бүс ба Зам” стратегийг уялдуулах, “Монгол-Хятад-Оросын Эдийн засгийн коридор” байгуулах хүрээнд олон төсөл, арга хэмжээг бодит ажил хэрэг болгохын төлөө байгааг илэрхийлэв.

БНХАУ-аас Монгол Улсад суугаа Элчин сайд Шин Хаймин хэлсэн үгэндээ Хөрөнгө оруулагчдын эрх ашгийг хамгаалах зөвлөл байгуулж, хөрөнгө оруулагчидтай уулзалт хийж, санал хүсэлтийг нь сонсож буй нь Монгол Улсын Засгийн газраас хөрөнгө оруулалтын орчныг сайжруулахад анхаарч буйгийн тодорхой жишээ гэж үзэж буйгаа тэмдэглэв.

БНХАУ-ын хөрөнгө оруулагчид манай улсын хууль эрхзүйн орчин тогтворгүй байгаа, зарим хуулийн заалт хоорондоо зөрчилддөг, төрийн байгууллагад гаргасан хүсэлт шийдвэрлэлт удаан, хөдөлмөр эрхлэх зөвшөөрөл, квот авахад хүндрэлтэй байдаг талаар хөндөн ярив.

Хөрөнгө оруулалагчдын эрх ашгийг хамгаалах зөвлөлөөс хөрөнгө оруулагчдын санал хүсэлтийг сонсох, тэдэнтэй нягт хамтран ажиллахын тулд Монгол Улсад суугаа Дипломат төлөөлөгчийн газруудтай хамтарч тухайн улсын хөрөнгө оруулагчидтай цуврал уулзалт хийхээр төлөвлөж буйгийн эхнийх нь энэ удаагийн уулзалт боллоо.

Монгол Улсын сайд, Засгийн газрын Хэрэг эрхлэх газрын дарга, Хөрөнгө оруулагчдын эрх ашгийг хамгаалах зөвлөлийн дарга Ж.Мөнхбат маргааш Монгол дахь Америкийн худалдааны танхимын уулзалтад оролцож хөрөнгө оруулалтын өнөөгийн байдал, Зөвлөлийн үйл ажиллагааны талаар илтгэл тавина гэж Засгийн газрын Хэвлэл мэдээлэл, олон нийттэй харилцах хэлтсээс мэдээллээ.
Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • иргэн 2017-08-29 02:01:17
    Хөрөнгө оруулагчид тогтвортой байдлыг хүсэх нь ойлгомжтой. Харин концессын хулгайчдийн ЗГ-г үлдээвэл өмнөх ЗГ бондын мөнгөөр наргисан явдал давтагдана.
  • zorig 2017-08-28 14:46:54
    Ene nohor Mongol tord hamgiin hereggui hundee.
  • иргэн 2017-08-28 14:31:46
    гарчиг текст хоер чинь зереед байна даа
  • иргэн 2017-08-28 14:24:09
    менхбатаа чи нэртэйгээр нь засгийн газраа хятад цэргуудээр хамгаалуулдаа одоо албан тушаалынхаа телее хятад монголын хооронд яс хаях нь дутаж дээ