Монгол Улсын 49 иргэн, аж ахуйн нэгжийн нэр оффшор данстай холбогдсоноос нарийвчлан шалгахад 29 иргэн 35 аж ахуйн нэгж оффшор бүсэд бүртгэлтэй байгаа аж. Энэ 29 иргэнээс 23 нь төрийн албанд ажиллаж байсан болон хамааралтай байна. Энэ асуудалд Улсын Ерөнхий прокуророос эрүүгийн хэрэг үүсгэж, АТГ, ЦЕГ-ын хамтарсан ажлыг хэсэг шалгаж байгаа гэсэн мэдээллийг АТГ-аас өглөө.
Мөн энэ чиглэлээр гадаадын байгууллагуудад хамтран ажиллах чиглэлээр 7-8 хүсэлт хүргүүлсэн байна. Одоогоор хоёр хүсэлтийн хариу ирээд байгаа аж. Оффшорын хэргийн мөрдөн байцаалтын явцын талаарх танилцуулгыг наймдугаар сарын 22-ны өдөр Ерөнхийлөгчид хүргүүлсэн байна.
П.ГОО
Оллоо.мн