Монголчуудад ээлтэй 20 мянга

Нэмэгдсэн өртгийн албан татварын тухай хууль шинэчилсэн найруулгаар 2016 оны  нэгдүгээр сарын 1-ний өдрөөс хэрэгжиж байгаа. Улмаар ААН-үүд төлбөрийн баримт буюу НӨАТ-ын хоёр хувийн урамшуулал авах эрхтэй, сугалаатай баримтыг хэвлэж эхэлсэн. Ингэснээр Монголчууд сар бүр азаа үзэх эрхтэй болсон юм. Гэхдээ хууль хэрэгжиж эхэлснээс хойш өнөөдрийг хүртэл хамгийн бага нь гэх 20 мянган төгрөгийг ч хожиж чадаагүй иргэн олон байна. Хэдийгээр азтан болж чадаагүй ч оны төгсгөл дэх буцаан олголт иргэдийг талархлыг хүлээсэн. Нэг үгээр азтан болоогүй ч баримт бүртгүүлснийхээ ашгийг хүртсэн гэсэн үг. Гэхдээ ихэнх ААН-үүд иргэдэд бараагаа НӨАТ-ын үнээ нэмж зардаг жишиг тогтсон. Хэрвээ баримт авахгүй бол арай бага үнээр худалдан авалт хийх боломжийг санал болгож байгаа газрууд ч олон бий. Гэвч ихэнхдээ НӨАТ-ын дүнгээ нэмж худалдаагаа хийдэг. Ихэнх иргэд үүнийг анзаардаггүй. Анзаарсан энэ талаар гомдол гаргаад гүйгээд байдаггүй монголчууд их “тайван” хүмүүс.

Харин орон даяар сар бүрийн гурав дахь Ням гарагт зохион байгуулдаг сугалаанаас азтан болчих гэсэн хүсэлдээ автан НӨАТ-ын баримтаа маш идэвх санаачилгатайгаар бүртгүүлдэг. Өчигдөр гэхэд 12665 азтан тодорчээ. Үүний 11 мянга гаруй нь 20 мянган төгрөг хожсон байх юм. Үнэхээр хүртээмжтэй байгаа биз.

Өчигдрийн сугалаагаар дөрвөн сая төгрөгийг 11 хүн хожжээ. Харин 20, 100 сая төгрөгийн эзэн азтанууд тодорсонгүй. Мөн иргэдийн хамгийн хүлээлт үүсгэсэн супер азтан ч тодорсонгүй. Супер азтан тодорсон бол 400 сая төгрөгийн эзэн болох байлаа.  НӨАТ-ын сугалааны сүүлийн хэдэн сар дараалан супер азтан тодроогүй байгаа. Супер азтан тодорсонгүй гэх тайлбар жишиг болоод удаж байна. Нэг үгээр азтануудын 90 гаруй хувь нь 20 мянган төгрөгийн азтан болж байна. Оргүйгээс охинтой нь дээр гэдэг шиг. Иргэд 20 мянган төгрөгт хууртсаар ... Ер нь Монголчуудад 20 мянга их ээлтэй дэвсгэрт. Хүүхэд бүр 20 мянган төгрөгийн сар бүр авна. Томчууд нь сар бүр мянга мянгаараа 20 мянган төгрөгийн азтан болдог жишиг тогтсоор жил гаруй хугацааг үджээ.

Уг нь өнгөрсөн онд НӨАТ-ын буянаар НӨАТ-ын төлөвлөгөөг 100 гаруй хувьтай биелсэн. Бүр төлөвлөснөөсөө 70 гаруй тэрбум төгрөгөөр давж биелсэн гэж байгаа. Энэ бол шинэ хуулийн үр дүн. Татварын ерөнхий газраас иргэдээ азтан болгоно хэмээн чихэн дээр нь цэцэг ургуулж, баримтаа бүртгүүлэхийг уриалдаг.

Хамгийн сүүлд гэхэд татварын алба 2017 оны эхний 7 сард улсын төсөвт 1570.7 тэрбум төгрөгийн татварын орлого төвлөрүүлсний 24.1 хувь буюу 378.7 тэрбум төгрөгийн орлого нэмэгдсэн өртгийн албан татвараар төвлөрсөн байна. Энэ нь өмнөх оны мөн үеийн 290.7 тэрбум төгрөгийн нэмэгдсэн өртгийн албан татварын орлогын гүйцэтгэлтэй харьцуулахад 88.0 тэрбум төгрөгөөр нэмэгджээ. Тэд ийнхүү зорилгоо 100 давуулан биелүүлж,  иргэдээ 20 мянган төгрөгөөр “хуурсаар” байна.

 
П.ГОО
Оллоо.мн
 
Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • pazda 2017-08-22 12:17:25
    pazdanuud bissiness hiij baigaa
  • Иргэн 2017-08-22 04:46:50
    Азтан болсОН оо яаж мэпэх вэ???.. ЭНЭ ойлгомж алгаа.
  • Set 2017-08-21 11:40:58
    Setguulch iim yum bicheed bxaar yax bilee? Zub xeregjij bgaa
  • МАНГОЛ \р\ 2017-08-21 05:36:57
    НӨАТ-өөр бүх юмны үнэ 10 хувь +дсэн. Дээрээс нь Сарандаваа адил иргдээ эргүү мал адилаар ингэж сэгсэрч бас азаа үздэг голио болгов.Мангол \р\
  • Бат 2017-08-21 03:41:04
    Төр буй дор татвар буй татвар хураалт л хуулийн дагуу үнэнд ойртож байгаа болохоос хэн хэнийгээ хуураад байгаа зүйл байхгүй хөө
  • Bi 2017-08-21 02:37:08
    Bi aztan boloogui l bn. Hezee boloh um bgaan...