“Үндэсний цом” Эрдэнэт хотод нээлтээ хийлээ

Монгол Улсын Ерөнхийлөгчийн ивээл дор жил бүр уламжлал болгон зохион байгуулагддаг 21 аймгийн хөлбөмбөгийн аварга шалгаруулах “Үндэсний цом” тэмцээн өчигдөр Орхон аймгийн Эрдэнэт хотод нээлтээ хийлээ. Үндэсний лигт өөрсдийн клуб нь өрсөлддөг цор ганц аймаг болох Орхончууд анх удаа 21 аймгийн аварга шалгаруулах “Үндэсний цом” тэмцээнийг МХБХ-той хамтран зохион байгуулж байна.

Энэ жилийн “Үндэсний цом”-ын аваргын төлөө 18 аймаг оролцож байгаа юм. Олон аймгийн шигшээ баг хүч үзэхийн зэрэгцээ “Хүрхрээ нэгдүгээр лиг”-т тоглогчид өөрсдийн клубийн зөвшөөрөлтэйгөөр нутаг усныхаа төлөө хүчин зүтгэж байгаа нь тэмцээнийг улам сонирхолтой болгож байна.

Анх 2008 онд аймгуудын цом нэртэйгээр явагдаж эхэлсэн тэмцээн 2013 онд Монгол Улсын Ерөнхийлөгчийн ивээл дор зохиогдож эхэлсэн. “Үндэсний цом” тэмцээн өнгөрсөн жилээс хөдөө орон нутгийн аймагт бүтэн зохиогдохын зэрэгцээ нийт 30 сая төгрөгийн шагналын сантай болж улам өргөжөөд байна.

Өчигдөр болсон нээлтийн үйл ажиллагаанд МХБХ-ны Ерөнхий Нарийн Бичгийн Дарга Ө.Шижир, Орхон аймгийн засаг даргын орлогч С.Батжаргал, Эрдэнэт үйлдвэрийн захирал Х.Бадамсүрэн нар оролцсон юм.
 

Б.Орхон
 

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.