Улсын начин Б.Серикт  хоёр өрөө байр бэлэглэжээ
Тулгар төрийн 2226, Их Монгол Улс байгуулагдсаны 811, Ардын хувьсгалын 96 жилийн ой, Үндэсний их баяр наадамд зориулсан хүчит бөхийн барилдаанд тав давж улсын начин цол хүртсэн Баян-Өлгий аймгийн Улаанхус сумын харьяат, "Таван богдын бүргэдүүд" дэвжээний бөх Бердимуратын Серикийн цолыг мялаах наадам энэ сарын 12-ны өдөр түүний төрсөн нутаг Улаанхус суманд зохион байгуулагдлаа.

Энэ үеэр нутгийн удирдлагуудын зүгээс  хоёр өрөө байрны түлхүүр гардуулсан байна. Мөн  УИХ-ын гишүүн Д.Мурат 15 сая төгрөг, бизнесмен Т.Сырымбек 20 сая төгрөгөөр тус тус шагнасан байна.

Улсын начин Б.Серикийн цолны мялаалга наадамд нийт 64 бөх хүч үзэн барилдсанаас Дорнод аймгийн Дашбалбар сумын харьяат улсын начин Д.Анар түрүүлж, Ховд аймгийн Мөст сумын харьяат, аймгийн арслан Ц.Адьяа үзүүрлэжээ.
 
Б.Сансар
olloo.mn
Бусдад түгээх
  • gplus
Got error 12 from storage engine