Ерөнхийлөгч өө, эдийн засгийн гэмт хэрэгт анхаарлаа хандуулна уу
-Оффшор болон 60 тэрбумд анхаарлаа хандуулсан шигээ энэ мэт шийдэгдээгүй байгаа эдийн засгийн гэмт хэрэгт ч бас онцгой анхаарахыг хүсч буй юм-

Mонгол Улсын тав дахь Ерөнхийлөгч Х.Баттулга ажлаа авсан даруйдаа хууль хяналтын байгууллагын удирдлагуудыг өрөөндөө дуудаж “оффшор болон 60 тэрбумын асуудлыг яаралтай шалгаж эдийн засагт бага ч болов нэмэр бол, гэмт этгээдүүдийг цээрлүүл” гэж лүндэн буулгасан. Тэгвэл эдгээрээс гадна эдийн засгийн маш олон гэмт хэрэг шийдэгдэлгүй өнөөг хүрсэн ч энэ талаар Ерөнхийлөгч маань ганц үг ган хийгээгүй нь хачирхалтай. Уг нь иргэд, олон нийт Ерөнхийлөгчийг төсвийн мөнгөнөөс буруу аргаар тоншсон нөхдийг ээлж дараалан шалгах боллоо хэмээн харж байсан ч тэрбээр зөвхөн хоёрхон асуудлын талаар удаа дараа ийн хөндсөн нь хачирхалтай.

Тухайлбал, одоогоос хоёр жил гаруйн өмнө УИХ-ын гишүүн асан Б.Гарамгайбаатар, хуучнаар Эдийн засгийн Хөгжлийн сайд асан Н.Батбаяр, Хөгжлийн банкны захирал асан Н.Мөнхбат нарыг “Чингис”, “Самурай” бондын олголт, зарцуулалттай холбогдуулан албаны эрх мэдлээ хэтрүүлсэн, төсвийн хөрөнгийг үрэгдүүлсэн гэх үндэслэлээр 2015 оны есдүгээр сарын 15-ны өдрөөс АТГ-аас эрүүгийн хэрэг үүсгэж нэр бүхий хүмүүсийг цагдан хорьж байсан.

Тэгвэл энэ хэрэг одоо ямар шатандаа байгаа зэрэг асуудал тун бүрхэг болж, шалгагдаж байсан хүмүүс ч одоо эрх чөлөө ханхлуулан гадуур дураараа явах болсон. Уг нь тэднийг батлан даалтад гарах үеэр хэрэгт хяналт тавьж байсан прокурорууд үргэлжлүүлэн хорих хүсэлтэй байгаагаа шүүхэд уламжилсан ч шүүх нэр бүхий хүмүүсийг эрүүл мэндийн шалтгаанаар батлан даалтад гаргаж байсан удаатай. Түүнээс хойш тэдэнтэй холбоотой хэрэг сураг алдарч хэрэг хэрхэх эсэх нь одоог хүртэл тодорхойгүй байна. Ямартай ч төрийн өндөр албан тушаал хашиж байсан нэр бүхий гурван этгээдийг хуулийнхан албаны эрх мэдлээ хэтрүүлж төсвийн хөрөнгийг үргүйдүүлсэн гэх үндэслэлээр шалгасан нь яалт ч үгүй эдийн засгийн гэмт хэрэг.


Төмөр замын гэх хэрэг


Харин дараагийн нэг хэрэг нь төмөр замын хэрэг. Тодруулбал, 2015 оны аравдугаар сарын 30-ны өдөр Эрүүгийн цагдаагийн газрын Эдийн засгийн гэмт хэрэгтэй тэмцэх хэлтсийнхэн ЗТЯ-ны ТНБД-аар ажиллаж байсан Б.Батзаяаг гэрээс нь баривчилж, цагдан хорьж, шалгасны эцэст 2015 оны арваннэгдүгээр сарын 18-ны өдөр яллагдагчаар татан шалгаж эхэлсэн юм. Түүнийг ЭЦГ-аас улсад онц их хэмжээний хохирол учруулсан байж болзошгүй хэмээн үзэж Эрүүгийн хуулийн 148 дугаар зүйлийн 4-т зааснаар “Бусдын эд хөрөнгийг залилан мэхэлж авах гэмт хэргийг онц аюултай гэмт хэрэгтэн, зохион байгуулалттай бүлэг, гэмт бүлэглэл үйлдэж, улсад онц их хэмжээний хохирол учруулсан гэх хэрэгт сэжиглэн баривчилж, байцааж эхэлсэн тухай ЦЕГ-аас мэдээлж байсан удаатай. Мэдээж энэ хэрэгт Б.Батзаяагаас гадна МТЗ-ын дэд захирал асан П.Бат-Эрдэнэ, “Либерти Партнерс”-ийн захирал Ч.Ганбат нарыг дээрх хэрэгт холбогдуулан шалгах гэсэн ч тэд Монгол Улсаас оргон зайлж тус хэргийг тусгаарлан шалгаж эхлээд байсан. Гэвч тэднийг шалгах ажиллагааг зогсоож интерполоос нэрийг нь хасуулсан. Одоогоор тус хэрэгт ЗТЯ-ны сайд асан А.Гансүх нарын таван хүнийг шалгаж байгаа ч хэрэг нь анхан шатны шүүхээс нэмэлт мөрдөн байцаалтад буцсан билээ. Эдгээрийг дурдахын учир нь дээр нэр дурдагдсан хүмүүс бүгд АН-ынхан. Тиймээс л төрийн тэргүүнийг өнгөрсөн он, жилүүдэд нийгэмд дуулиан шуугиан тарьж байсан нэг намаас угшилтай нөхдийнхөө эдгээр хэрэгт анхаарлаа хандуулж, ажиллагаа нь ямар шатандаа байгаа талаар тоймтой хариу өгөхийг олон нийт хүлээж байна. Учир нь цагдаагийн байгууллагаас иймэрхүү төрлийн гэмт хэргийг шалгаад прокурор шүүх рүү явуулдаг ч ямар нэгэн байдлаар дарагдаж дээрээс ирсэн “том” ах нарын тушаалын дагуу замхардаг гэдгийг цагдаагийнхан учирлаж байсан удаатай. Тиймээс л оффшор болон 60 тэрбумд анхаарлаа хандуулсан шигээ энэ мэт шийдэгдээгүй байгаа эдийн засгийн гэмт хэрэгт ч бас онцгой анхаарахыг хүсч буй юм.
Өглөөний сонин
Р.Саруул
Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • mongol 2017-10-12 11:00:29
    MTZ xergiig xeregsexgvi bolgox gej l eronxiilogcj boloogvi bol ene tuxai yrix l estoi thvv dee?
  • баттулга 2017-08-11 06:32:23
    манай намынх учир шалгуулахгүй байх өршөөх уучлах эрхээ ашиглан хэргээс мулталнаа хөө
  • Zz 2017-08-08 13:06:00
    Ingeh gej erunhiilugch bolsonshude.odoo zugeer popdoj ehelj bga.aajimdaa bugd zamharah bh.olnii ug ortoi gj.medseer bj songuuliin PR tarhia ugaalsan
  • Монгол 2017-08-08 10:54:19
    Нам бус шүү дээ энэ хүн харж л байя даа
  • Иргэн 2017-08-08 03:58:42
    Дахиж хулгайч нарыг бүү томилоосойдоо.
  • иргэн 2017-08-08 03:48:32
    ан ман-аараа хоер хуваагдаад тусдаа улс байгуулбал яасан юм тэгвэл нэг ч гэмт хэрэгтэнгуй хууль уйлчилдэггуй тайван улс болчих юм биш ууп
  • !!!!! Санаг тун Мэдэг түн 2017-08-08 02:29:10
    Salbarhai chiht, ongorhoi shudet, helgii daadaa gurwiig odoo neg shuuh hergetei !!! End bol Ardchilsan nam Ardiin nam gej tuulshralgui shuuh heregtei b na !!!!
  • зочин 2017-08-08 02:12:42
    АН-н гишүүн-гарамгай батбаяр мөнхбат батзаяа батэрдэнэ ганбат гансүх. эрх чөлөөтэй байгаа интерполоос хасуулсан албан тушаал хашиж эхэлсэн. ЕТГ ХУЦУГ болох нээ
  • зочин 2017-08-08 01:31:50
    Шударга ажиллавал эдгээр луйварчдын тухай дугарах л ёстой, үгүй бол тэгээд шударга, гэдэг юм яриад ч хэрэггүй, дуугүй зайлах хэрэгтэй Баттулга ерөнхийлөгч
  • huyagaa 2017-08-08 01:27:15
    Ingeed zamharnaa ugaasaa alban tushaaliin herguud esvel suusan bolood gardag shdee
  • зочин 2017-08-08 01:24:39
    Дэд бүтэц харицсан зөвлөхөөр Гарамгайбаатар, хөрөнгө оруулалт хариуцсан зөвлөхөөр Фортуна Батбаяр, Мөнхбат томилогдох биз. Хулгайч нарын цугладаг газар биз дээ
    • Шударга иогэн 2017-08-08 09:15:45
      Авлигачидыг алаг узлгуй хариуцлага тооц ард тумэн хулээж харж бна Еренхийлегчее ?????