Өнөөдөр болох үйл явдлуудыг тоймлон хүргэж байна.
10.00 цагт: БСШУСЯ, Ерөнхий сайдын дэргэдэх Монгол судлалын үндэсний зөвлөлөөс жил бүр уламжлал болгон зохион явуулдаг "Залуу монгол судлаачдын зуны сургууль"-ийг энэ жил 7 дугаар сарын 23-наас 8 дугаар сарын 05-ны хооронд зохион байгуулна. Энэ удаагийн залуу монгол судлаачдын зуны сургуульд 12 орны 18 их сургууль, монгол судлалын төвөөс 28 залуу монгол судлаач, оюутан оролцох юм байна. Нээлтийн ёслол өнөөдөр БСШУСЯ-ны 401 тоот танхимд болно.
10.00 цагт: АИХ хөдөлгөөнөөс Үндсэн хуулийн өөрчлөлтийн талаар мэдэгдэл хийнэ. Барилгачдын талбайн урд Хонхны дуу клубт
10.30 цагт: "ЖЕНДЭРТ СУУРИЛСАН ХҮЧИРХИЙЛЭЛ БА ХЭВЛЭЛ МЭДЭЭЛЛИЙН ОРОЛЦОО" сэдэвт дугуй ширээний уулзалт Улаанбаатар зочид буудлын “Өргөө” танхимд болно. Хэвлэлийн хүрээлэнгээс НҮБ-ын Хүн амын сангийн дэмжлэгтэйгээр зохион байгуулж буй уг уулзалтад хэвлэл мэдээллийн байгууллагуудын нийтлэл, нэвтрүүлгийн бодлого тодорхойлогчид, сэтгүүлчид болон жендэрийн экспертүүд оролцох юм. Мөн энэ үеэр Хэвлэлийн хүрээлэнгээс Жендэрт суурилсан хүчирхийллийн талаарх сэтгүүлчдийн ойлголт, жендэрийн мэдрэмжтэй байдлыг хангах хэвлэл мэдээллийн бодлогод хийсэн үнэлгээг танилцуулна.
12.00: “Өргүй Монгол” хөдөлгөөнөөс ард түмний өрийг тэглэх асуудлаар АН болон Монгол Улсын Ерөнхийлөгчид шаардлага хүргүүлэх талаар мэдээлэл хийнэ. “Монгол ньюс” мэдээллийн төвд