Баянзүрх дүүрэг наадмын бэлтгэлээ хангалаа

Тулгар төрийн 2226 жил, Их Монгол улс байгуулагдсаны 811 жил, Ардын хувьсгалын 96 жилийн ойн баяр наадмыг угтан Баянзүрх дүүргийнхэн бүх нийтийн их цэвэрлэгээг өчигдөр зохион байгуулжээ.

Их цэвэрлэгээнд дүүргийн нутаг дэвсгэр дээр үйл ажиллагаа явуулж буй 1108 аж ахуйн нэгж байгууллагын 3365 иргэн, Ерөнхий боловсрол, их дээд сургууль, цэцэрлэгийн нийт 165 багш ажилчид болон төрийн байгууллагын 205, сууц өмчлөгчдийн холбоодын 230 орчим ажилчин, албан хаагчид оролцсон байна.

Бүх нийтийн их цэвэрлэгээний үеэр аж ахуйн нэгж, байгууллагууд, сууц өмчлөгчдийн холбоод ойр орчны 50 метр газрыг мөн иргэд, оршин суугчдын тусламжтайгаар үерийн хамгаалалт, ус нэвтрүүлэх хоолойд хуримтлагдсан ахуйн гаралтай хог хаягдлыг цэвэрлэжээ. Улмаар Нийтлэг үйлчилгээний газар 1, 2, 3, 4-өөс нийт 59 хог тээвэрлэлтийн машин ажиллаж айл өрх, аж ахуйн нэгж байгууллага болон цэвэрлэгээнээс гарсан 60207м.кв талбайн 464.5 тонн хог хаягдлыг ачсан байна .
 

Бусдад түгээх
  • gplus