Дархан-Уул аймгийн автобуудлыг 24 цагийн үйл ажиллагаатай болгожээ
Дархан-Уул аймгийн автобуудлыг 24 цагийн үйл ажиллагаатай болгосон байна. Дээрх үйл ажиллагааны хүрээнд тээвэрлэлтийн үйлчилгээг зуны цагийн хуваарьт шилжүүлэн уртасгасан цагаар ажиллуулах, дотоодын ачаа тээврийг нэгдсэн зохицуулалтад оруулан тээш хадгалах, хүлээн авах, хүлээлгэн өгөх үйлчилгээг нэвтрүүлээд байна.

 Дархан-Уул аймаг нь ОХУ-ын Хиагт, Улаан-Үд хот болон Орхон, Булган, Сэлэнгэ Хөвсгөл аймгийн чиглэлд дамжин өнгөрөх гол төв нь болдог бөгөөд  сард Автотээврийн үндэсний төвийн гэрээт аж ахуйн нэгжүүдийн болон хувиараа тээвэр эрхлэгчдийн 60 мянга гаруй зорчигч тогтмол дайран өнгөрдөг.  Мөн тус  автобуудал нь жилд 800 мянга гаруй  зорчигчид үйлчлэх хүчин чадалтай  бөгөөд өндөр настан, жирэмсэн болон нярай хүүхэдтэй эхчүүдийн амрах өрөө, эмнэлгийн анхан шатны тусламж үйлчилгээ болон иргэдийн ая тухыг хангасан цогц үйлчилгээг нэг дор үзүүлэх боломж бүрдэх аж. 
Бусдад түгээх
  • gplus