Түймрийг хугацаа алдалгүй унтраахыг үүрэгдэв

Хан-Уул дүүргийн Онцгой комиссын Ой хээрийн түймэртэй тэмцэх шуурхай ажлын хэсэг өнөөдөр хуралдлаа. Хурлыг дүүргийн засаг даргын нэгдүгээр орлогч дарга бөгөөд Онцгой комиссын орлогч дарга Г.Батсайхан удирдан явуулав.  Тус дүүргийн нутаг дэвсгэрт гарсан ой хээрийн түймрийн нөхцөл байдлын талаар Онцгой байдлын хэлтсийн дарга хурандаа Д.Даваасүрэн танилцууллаа. Ажлын хэсгийн 9 гишүүний санал дүгнэлтийг авч дүүргийн засаг даргын захирамжаар дараах ажлыг зохион байгуулахаар боллоо.

Ирэх сарын 11 өдрийг хүртэл ногоон бүсэд зорчих, аялал зугаалга зохион байгуулах хөдөлгөөнийг түр хязгаарлах, шаардлагатай тохиолдолд хэлтэс албад, аж ахуйн нэгж байгууллагаас хүн хүч ажиллуулж ой хээрийн түймрийг хугацаа алдалгүй унтраах арга хэмжээг авч ажиллах үүрэг өглөө.

Бусдад түгээх
  • gplus