Шөнийн гудамжинд 17 камер,  wifi төхөөрөмж суурилуулав
Нийслэлийн Мэдээллийн технологийн газар Нийслэлийн цагдаагийн газартай хамтран гэрэлт шөнийн гудамж буюу Циркийн уулзвараас 45 дугаар сургуулийн уулвар хүртэлх замд хяналтын 17 камер суурилуулжээ. Тодруулбал, эргэдэг хөдөлгөөнт камер 2, чиглэлийн камер 15-ыг сурилуулсан байна. Эдгээр  хяналтын камерыг ашиглаж  Нийслэлийн цагдаагийн газар хяналт тавьж ажиллах юм.

Мөн гэрэлт шөнийн гудамжид нийслэлийн Мэдээллийн технологийн газраас Kewiko компанитай хамтран үнэгүй, хөдөлгөөнт интернэтийн бүс байгуулах зорилгоор wifi төхөөрөмж суурилуулсан байна. Тиймээс орчин үеийн дэвшилтэт техник технологи бүхий гудамжинд иргэд айх аюулгүй, амарч зугаалах бүрэн боломжтой гэж нийслэлийн Мэдээллийн технологийн газраас мэдээллээ.
Бусдад түгээх
  • gplus