Дархан-Уул аймгийн Дархан сумын 10 дугаар багийн иргэн Ч.Сутайхайрханы гэргий Ё.Тунгалаг тавдугаар сарын 5-ны өдөр амаржиж 3 ихэр хүүхэд төрүүлжээ. Түүний 2 дахь төрөлт бөгөөд 2 охин 1 хүү төрүүлж тэд дөрвөн хүүхдийн аав, ээж болжээ. Том хүү С.Орчлон нь гуравдугаар ангийн сурагч аж.
Ихрүүдийн ээж Ё.Тунгалаг нь Улаанбаатар хотын Эх хүүхдийн эрүүл мэндийн үндэсний төвийн амаржих тасагт амаржиж, хүүхдийн сувилалд сувилуулж байгаад тавдугаар сарын 31-ний өдөр Дархандаа ирсэн байна.Дашрамд дуулгахад, Дархан сумын 10 дугаар багаас сонгогдсон Дархан-Уул аймгийн ИТХ-ын төлөөлөгч Б.Батболд, П.Юра нарын албаны хүмүүс Ч.Сутайхайрханыд зочилж, хүндэтгэл үзүүлэн нярай хүүхдүүдэд хэрэгцээтэй бүтээгдэхүүнүүдийг бэлэглэжээ.
Б.Орхон