"Буянт-Ухаа" спортын ордонд үргэлжилж буй Азийн Зүүн бүсийн волейболын эрэгтэйчүүдийн аварга шалгаруулах тэмцээн өндөрлөх шатандаа ороод байна. Дөнгөж сая тэмцээний хүрэл медалийн төлөөх тоглолт болж, манай эрчүүд БНСУ-ын багт 3:0-ээр хожигдлоо. БНСУ-ын баг хүрэл медаль хүртэж, манай баг дөрөвдүгээр байр эзлэв. 
 
 Монголын эрэгтэй волейболчид тус тэмцээний дөрөвдүгээр байрт гурав дахь удаагаа шалгарсан нь энэ болов. Удахгүй тэмцээний  алтан медалийн төлөө Япон, Тайванийн баг тоглсоноор  энэ удаагийн Зүүн Азийн аварга шалгаруулах гар бөмбөгийн тэмцээн өндөрлөнө.