Нүхтийн аманд түймэр гарч, таван га талбай шатжээ
Нийслэлийн Хан-Уул дүүргийн нутаг дэвсгэр Дархан цаазат Богд хан ууланд яг одоо түймэр гарчээ. Тодруулбал өдрийн 12.24 цагт Нийслэлийн Онцгой байдлын газарт Богд Уулын Нүхтийн аманд ой, хээрийн түймэр гарлаа гэсэн дуудлага ирсэн байна. 

Дуудлагын дагуу НОБГ-ын Гал түймэр унтраах, аврах 14, 30, 65 дугаар анги болон Нийслэлийн Аврах анги, Аврах тусгай ангийн 60 гаруй албан хаагч  түймрийн голомтод очин ажиллаж байна. Одоогийн байдлаар таван га талбай түймэрт шатсан байна. Гал сөнөөгчид гал түймрийг газар авахуулалгүй шуурхай унтраахаар ажиллаж байна. 

Ард иргэдэд анхааруулахад, энэ сарын 26-наас эхлэн ихэнх нутгаар огцом дулаарч, хуурайшилт ихтэй байх тул ой, хээрийн түймрээс урьдчилан сэргийлж, ой, хээрт  ил задгай гал түлэхгүй байх, асаасан гал, шүдэнз, тамхины галыг бүрэн унтраах, цогтой үнс, нурмыг ил задгай асгахгүй байхыг Онцгой байдлын ерөнхий газраас анхааруулж байна. 
Нүхтийн аманд гарсан уг түймрийг унтраахаар дуудлагын дагуу нийслэлийн Гал унтраах ангийн гал сөнөөгч нар ажиллаж байгааг Онцгой байдлын газраас мэдээлж байна.

Б.Сансар
olloo.mn
Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • иргэн 2017-04-30 06:07:29
    Энэ түймэрийг зориуд санаатай тавьсан гэж хардаж байна. Одоо шатсан ойг цэвэрлэнэ гэж модыг нь огтлоно дараа нь огтлосон модоороо цэвэрлэсэн газартаа хаусаа бар...