Өнгөрсөн бямба гарагт БНСУ-д ажиллаж, амьдарч байсан Монголын хоёр иргэн нурангид дарагдаж эмнэлэгт хүргэгдсэн байна. Тодруулбал, осолдсон хоёр иргэн БНСУ-ын Сөүл хотын Каннам дүүргийн Ёгсам хороололд таван давхар барилга нураахаар барилга руу ус цацаж байгаад нурангид дарагдсан байна. Холбогдох байгууллагууд шуурхай ажилласны дагуу тэднийг нурангаас гаргаж эмнэлэгт хүргэсэн байна. Гэмтсэн иргэдийн тухайд хүнд гэмтэл аваагүй бөгөөд шаардлагатай эмнэлгийн тусламжийг түргэн авсан гэдгийг ГХЯ-ны Консулын газраас мэдэгдлээ.
Б.Сансар
olloo.mn