Хумхаагийн өвчлөл жил ирэх тусам нэмэгдэж байна
Дэлхий нийтээрээ 4 сарын 25-ний өдрийг хумхаа өвчинтэй тэмцэх өдөр болгон тэмдэглэдэг. 2007 онд Дэлхийн эрүүл мэндийн Ассамблейн 60 дахь удаагийн хуралдааны үеэр хумхаатай тэмцэх өдрийг санаачилсан ба энэ жил “Сайн сайхны төлөө, хумхаа өвчнийг зогсооё” уриан доор  тэмдэглэн өнгөрүүлэх гэж байна. Энэ өдөр дэлхий даяар хумхаа өвчний талаарх ойлголтыг нэмэгдүүлэх, урьдчилан сэргийлэх зэрэг мэдээллийг сурталчилан таниулдаг уламжлалтай.
Хумхаа нь эртний итали хэлний "malaria” буюу «бохир агаар» гэдэг үгнээс гаралтай.

Хумхаа өвчин нь шумуулаар дамждаг эгэл биет шимэгчээр үүсгэгддэг, дахилттай халууралт, цус багадалт, элэг дэлүү томрох, арьс салст шарлах шинж тэмдэгээр голчлон илэрдэг цочмог халдварт өвчин. Дэлхий дээр ойролцоогоор 41 төрлийн 3600 зүйлийн шумуул тархсан байдаг. Халдвар авсан шумуул нь хүнба амьтанд Хумхаа, Япон энцефалит, Денгийн чичрэг, Шар чичрэг, баруун Нилийн чичрэг зэрэг өвчнүүдийг дамжуулдаг. Эдгээрээс Хумхаа өвчиннь плазмод (Plasmodium)-ын төрлийн эгэл биетнээр үүсгэгддэг, дахилттай халууралт, цус багадалт, элэг дэлүү томрох шинжээр голчлон илэрдэг хурц халдварт өвчин юм.

Дэлхийн Эрүүл мэндийн байгууллагын 2015 оны мэдээгээр дэлхийн 90 гаруй улс оронд хумхаа  өвчнийг дамжуулагч  шумуул тархаж, дэлхийн хүн амын тэн хагас нь хумхаагийн эрсдэлт нутагт амьдарч байгаа бөгөөд 2016 онд 212 сая хүн өвчилж, 429000 нас баралт бүртгэгдсэн тухай мэдээлжээ.

Өнөөдрийн байдлаар манай оронд хумхаа өвчний байгалийн голомт тодорхойлогдоогүй ч халдварын эрсдэл бий. Тухайлбал, манай орны зарим нэг голын сав нутагт хумхаагийн халдвар дамжуулагч шумуул тархсан, халдварын эрсдэл үүсч болзошгүй талаар судлаачид тэмдэглэсэн байдаг.

Мөн сүүлийн жилүүдэд манай оронд хумхаагийн хүний өвчлөл тасралтгүй бүртгэгдэж, 2009-2016 онд хүний өвчлөлийн 11 тохиолдол, 1 нас баралт бүртгэгдсэн ба эдгээр нь бүгд хумхаагийн голомтот нутаг болох Энэтхэг, Солонгос, Африкийн Конго, Мали, Серралион, Гана, Судан зэрэг улсад зорчих, аялах, ажиллах явцдаа хумхаа өвчнийг дамжуулагч шумуулд хазуулан халдвар авч өвчлөн эмчлүүлсэн байна.

Дэлхийн дулаарал, даяаршил, аялал жуулчлал хөгжиж байгаа нь манай оронд хумхаагийн голомт үүсэх эрсдэл нэмэгдүүлж,  хумхаа өвчнөөс сэргийлэх тэмцэх ажлыг эрчимжүүлэх шаардлага гарч байна.
Б.Сансар
olloo.mn
Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.