“Эрдэнэт”-ийн ээлжит “шахаа” - 200 “хувалз”

Эрдэнэтэд зөвхөн эд барааг хэд нугалсан үнээр “шахаад” ханадаггүй аж. Эрх бүхий албан тушаалд дарга нарын эхнэр хүүхэд, нууц амраг, цүнх баригч гээд ажлаа мэдэхгүй, мэдэх ч шаардлагагүй тарвалзсан бүлэг хүн шахдаг. Тэд үйлдвэрийг мөлжих ганцхан зорилготой. Хамгийн хортой нь эд хөрөнгийн шахаанд үйлдвэр нэг удаа хохироод үлддэг бол эдгээр хувалз шиг хүмүүс урт хугацааны турш улсын хөрөнгийг сорж “бэлцийдэг”.

Тухайлбал өнгөрсөн хугацаанд ерөнхий захирлыг тойрсон нэр бүхий 12 хүн нэмэлт цалин болгож 31500 евро буюу 82,6 сая төгрөгийг сар бүр авч байв. Мөн гэрээний дагуу дэмжлэг үзүүлэх нэрээр найман хүнд 189 мянган евро буюу 496,1 сая төгрөгийг олгосон байдаг. Улаанбаатар хотод орон сууц худалдан авахад нь зориулж зургаан хурган даргын данс руу 3 тэрбум 586 сая төгрөг Эрдэнэт үйлдвэрээс шилжүүлсэн. Энэ мэтчилэн “шахааны” хүмүүсийн мөлжлөг үргэлжилнэ.

Одоогийн байдлаар төрийн мөнгийг аль болох эртнээс сорох гэсэн 200 хүнийг “Эрдэнэт”-ийн нүх сүв болгоноор чихэх гэж улайрч байна. Энэ томилгооны ерөнхий гүйцэтгэгчээр “амьгүй албат” Ц.Ням-Осор гардан ажиллаж байгаа аж. Тэрээр Х.Бадамсүрэнгийн тансаглалыг хүлээн зөвшөөрч, цээжээрээ хамгаалсан. Хууль зөрчиж, ТУЗ-ийн гишүүдийг төрөөс зуун хувь томилсон. Түүний зассан энэ замаар дээрх шахааны хүмүүс саадгүй орох учиртай аж.

Ц.Ням-Осорын томилгоо хийх цайрсан арга хэвлэлээр хэдийнэ бичигдээд эхэлжээ. Тэрээр “Намын шахааны хүмүүс их байна, сул орон тоо байхгүй” гэх шалтагаар жирэмсэний амралтаа дуусгаад ирсэн хүнийг хүртэл ажлаас нь хөөсөн сураг дуулдана. Амьгүй албатын энэ мэт ядарсан арга Ардын намын нэр хүндийг навс унагаж байна. Уг нь хамгийн олон жилийн түүхтэй, боловсон хүчний нөөц сайтай нам гэдэг сэн. Удирдах зөвлөлийнхөн нь Ц.Ням-Осор шиг хүнээр төрийн чухал албаа хашуулж, намынхаа нэр хүндэд удаа дараа ийм эрсдэл нялзаахыг зүгээр хараад суухгүй нь лавтай.

Ш.Даваа

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • ЗОЧИН 2017-04-24 13:04:51
    хохь чинь. та нарын сонголт шүүдээ. юуунд гомдоллоод байгаан. өөрсдөө ийм хүмүүсээр удирдуулнаа гэж сонгоо биздээ.
    • mongol emee 2017-04-26 10:24:32
      Xen xeniixee xoxi eriig duudax be dee? Odoo bvgd ebsen negdej ene xanaj shadaxaa bolison thunaliin xvvdiinvvdiig ex ornoosoo xooe? Oor arga alga daa
  • ИРГЭН 2017-04-24 09:43:05
    БУШУУХАНХУВЬСГАЛ БОСЛОГО ГАРААСАЙ.ЭНЭ МУУСАЙН ХУЛГАЙЧУУДЫГ ГЭР БҮЛТЭЙ НЬ ОЛНЫ ӨМНӨ БУУДАН ХОРООХСОН.ТЭГВЭЛ Л МОНГОЛ ЦЭВЭРЛЭГДЭНЭ БАЙХ ШҮҮ.ЭХ ОРНЫХОО ТӨЛӨӨ НЭГ У...
  • н 2017-04-24 08:09:40
    49 % хувьд байсан бол хяналттай байх байлаа одоо шуудайгаа доош харуулаад сэгсрээд байж дээ МАН үнэхээр авилгыг мандан бадруулах нь дээ
  • гай 2017-04-24 07:34:09
    Ийм хүнийг бууны нохой гэдэг юм даа.