Олон улсын автотээвэрлэлтийн хүрээнд албан хаагчдаа чадавхижуулж байна

Автотээврийн харилцааны тухай Олон улсын гэрээ хэлэлцээр, конвенцийг олон нийтэд сурталчилан таниулах ажлын хүрээнд Зам, тээврийн хөгжлийн яам, “Автотээврийн үндэсний төв” ТӨҮГ-тай хамтран “Автотээврийн төлөвлөлт ба олон улсын эрх зүйн баримт бичгүүд” сэдэвт сургалтыг энэ сарын 13-ны өдөр зохион байгууллаа.

Энэхүү сургалтын зорилго нь улс хоорондын ачаа, зорчигч тээврийг хөгжүүлэх, олон улсын автотээвэрлэлттэй холбоотой гэрээ, конвенцын талаар тээвэрчид, хилийн хяналтын ажилтнуудын мэдлэг чадварыг дээшлүүлэх, тээвэрлэлтэд үүсч болзошгүй хүндрэл бэрхшээлийг шийдвэрлэхэд чиглэгджээ.

Тус сургалтын хүрээнд Стамбулын конвенц ба АТА Карней, Монгол, Хятадын хилийн боомт, тэдгээрийн дэглэмийн тухай Монгол улсын Засгийн газар, БНХАУ-ын Засгийн газар хоорондын хэлэлцээр, Замын хөдөлгөөний тухай конвенц, Автотээврийн салбарын төлөвлөлтийн талаар Зам, тээврийн хөгжлийн яам, Механик тээврийн сургууль, Гаалийн ерөнхий газар, Худалдаа аж үйлдвэрийн танхим, Монголын Автотээвэрчдийн нэгдсэн холбооны холбогдох албан хаагчид, багш нар хичээл заав. Мөн Хөрш орнуудтай хийж буй тээврийн үйл ажиллагааны талаар харилцан мэдээлэл солилцсон байна.

Сургалтад Зам, тээврийн хөгжлийн яам, Автотээврийн үндэсний төв, Гаалийн ерөнхий газар, аж ахуйн нэгж, байгууллагын 50 гаруй удирдах албан тушаалтан болон тээврийн мэргэжилтэн, оюутан  оролцож хамрагдлаа.
                                                                                                                    

Эх сурвалж: ЗТХЯ                       

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.