Оффшор данстнуудад зургаан сарын хугацаа өгнө гэв үү
Эрх чөлөөт далайн эргийн бүсэд их хэмжээний хөрөнгөтэй эрхтэн дархнуудад зориулсан хуулийн төсөл УИХ-аар батлагдан гарах нь. УИХ-ын Хууль зүйн байнгын хорооны өнгөрсөн лхагва гарагийн хуралдаанаар Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай хуульд нэмэлт, өөрчлөлт оруулах тухай болон Төрийн албаны тухай хуульд нэмэлт оруулах тухай хуулийн төслийн  эцсийн хэлэлцүүлгийг хийсэн юм. Нэгэн цагт С.Баярцогтын далайн эрэгт “мартсан” мөнгө илэрч, улмаар олон нийт оффшор гэх “аймшигтай” танилцсан түүхтэй. Үүнээс хойш үе үеийн парламент “оффшорт данстай төрийн албан хаагч байх ёсгүй” хэмээн үзэж хуулийн төслийг төрөл бүрээр боловсруулж байсан ч УИХ-ын босгыг даваад л бүдэр ч байв. Харин энэ удаагийн хуулийн төсөл ийнхүү эцсийн хэлэлцүүлэгт шилжээд байна.

1990 оноос хойш Монгол Улсад хийгдэх гадаадын хөрөнгө оруулалтын хэмжээ нэмэгдэхийн хирээр манай улсын гадаад харилцаа хөгжин гадаадын хөрөнгө оруулалттай компаниудын тоо олширч, эдгээр компанийн хувьцаа эзэмших иргэдийн тоо өссөөр байгаа. Сүүлийн жилүүдэд олон нийтийн дунд төрийн албан хаагчдыг оффшор бүсэд буюу гадаад улсын нутаг дэвсгэрт бүртгэлтэй гадаадын хөрөнгө оруулалттай компанийн хувьцаа, банкны данс эзэмшсэн тохиолдолд авлига, албан тушаалын хэрэгтэй холбоотой гэх хардлага эрс нэмэгдэж, төрд итгэх иргэдийн итгэл буурсан гэдэгтэй маргах нэгэн гарахгүй биз. Иймд хууль зүйн болон практик шаардлагуудыг үндэслэн Авлигатай тэмцэх газарт хөрөнгө орлогын мэдүүлэг гаргадаг төрийн албан хаагч оффшор бүсэд буюу гадаад улсын нутаг дэвсгэрт банкны данс эзэмших, мөнгөн хөрөнгө байршуулах, хуулийн этгээд үүсгэн байгуулахыг хориглох асуудлыг тодорхой зохицуулсан Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай хуульд нэмэлт, өөрчлөлт оруулах тухай хуулийн төслийг боловсруулсан юм.

Ийнхүү хууль батлагдсанаар зургаан сарын дотор оффшорт байгаа хөрөнгийг татаж, зохицуулалт хийх юм. Уг нь ОХУ, АНУ-д хууль батлагдсанаас хойш гурван сарын дотор гэсэн хугацаа өгсөн байдаг аж. Харин Б.Дэлгэрсайхан  нарын оффшор данстай гишүүд гурван сарын хугацаанд оффшор дансаа цэгцэлж чадахгүй гэснээс үүдэн ийнхүү зургаан сар болгон сунгалаа. Нэг үгээр зургаан сарын дотор оффшор бүс дэх хөрөнгөө татах зохицуулалт хуульд тусгагдлаа. Далайн эргээс далай шиг их мөнгө буцаж ирнэ гэсэн үг.

Түүнчлэн хуульд “Нэр дэвшигч, түүний хамаарал бүхий этгээд нь өөрийн нэр дээр оффшор бүсэд хөрөнгө байршуулсан, үл хөдлөх хөрөнгө бий болгосон бол  гурван сарын дотор  АТГ-т мэдэгдэж, мөнгөн хөрөнгийг эргүүлнэ”  гэсэн санал гишүүдийн дэмжлэгийг хүлээгээд байгаа. Мөн хуулийн төслийн эцсийн хэлэлцүүлэг хийгдэх зэрэгцэн УИХ-ын зарим гишүүд Оффшорын эсрэг лобби бүлэг байгуулсан. Тэд “Оффшор бүсэд одоогоор Монголоос хэчнээн  хэмжээний ам.доллар байгаа  нь  мэдэгдэхгүй байна. Үүнийг бид цаашид нягтлах болно. Оффшорын асуудлаар нэгдэж байгаа иргэний нийгмийн байгууллагуудтай тодорхой байдлаар холбогдож  ажиллана. Бидэнд эхнээсээ мэдээллүүд ирж байгаа. Тухайлбал, Швейцарийн банкинд  нэлээд их хэмжээний мөнгө нуусан гэх мэдээлэл бидэнд ирсэн. Энэ бүхнийг бид холбогдох хууль хяналтын байгууллагатай нь хамтран нягтална” гэдгээ мэдэгдлээ.

Ийнхүү төрд ажиллах хэн бүхний хол байх, айж явах оффшор дансны асуудал хуульчлагдлаа. Хууль хэрхэн хэрэгжиж, хуулийнхан ямар хөдөлгөөн хийхийг харах л үлдлээ.
 
П.ГОО
Оллоо.мн

 
 
Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • Бат 2017-04-13 18:27:08
    Уул уурхай алтны ордыг улсын мэдэлд авах хэрэгтэй хэдхэн гэр бүл ухаад байж болохгүй ард түмэнд орлогыг тэгш хуваах хэрэгтэй
  • Бат 2017-04-13 18:13:25
    Улсаас идсэн мөнгөө буцааж өгөх хэрэгтэй энэ нөхдүүд үнэн цагаан хөдөлмөрөөр ингэж их мөнгөтэй болож чадахгүй бүх
  • ХХХХ 2017-04-13 15:54:59
    ЗА ЛАВ НЭМЭГДЭЭД ГАНБААТАР ГЭНЭ ҮҮ БАС НӨГӨӨ ГЭМГҮЙ ЦАРАЙТ ДАВААСҮРЭН ТЭГЭЭД БАС ЭНХБАЯР БОЛОРЧУЛУУН ГЭГЧИД ЛАВ ОФШООРТОЙ НЬ ИЛ БОЛЛОО. ӨНӨӨДӨР ХУУЛЬ БАТЛАЖ БАЙ...
  • Болд  2017-04-13 11:11:19
    Дэлдгэрсайхан гэдэг хулгайчид зориулагдсан хууль юмуу Хуцваа
  • Баяраа 2017-04-13 10:12:49
    Өөр маш найдвартай оффшор 3 сарын дотор олдохгүй байж магадгүй ш дээ
  • Off-shore 2017-04-13 09:58:57
    1990 оноос хойш Монгол улсад орж ирсэн гадаадын нэртэй хөрөнгө оруулалтын дийлэнх нь оффшор бүсээс хийгдсэн, тэдний дийлэнх нь Монгол иргэн, ААН-ийнх байх магад...
  • ес зүй 2017-04-13 06:21:47
    ес зүй хууль үйлчилдэггүй хүрээнийхэний асуудал энгийн иргэдийг сэг зэмэнд овоорсон нохой мэтээр бужигнуулж хиймаа Сонгууль өнгөрсөн асуудал сураг тасарсан,
  • ОВШООР 2017-04-13 05:24:40
    ДЭЛГЭРСАЙХАН ХЭТ ОЛОН ДАНСАА 3 САРД АМЖИЖ ЯНЗЛАХГҮЙ ГЭНЭ ҮҮ. НААШАА СОХОР ЗООС Ч ОРЖ ИРЭХГҮЙ Ш ДЭЭ ИЙШ ТИЙШ НЬ ГУЛГУУЛАХАД 3 САР ХАНГАЛТГҮЙ Л БАЙГАА ЮМ БНА Л ДА...
  • !!!! 2017-04-13 04:35:25
    Olon ulsiin jishgiig dagaad 3 sard nuusan mongoo awchirah shaardlaga hurguulee tegehgui bol mongoo alt bolgood saltaadchih humuus shuu naaduul chini !!!
  • !? 2017-04-13 04:23:56
    Одоогийн эрх баригчид офшорын эсрэг хууль батална гэдэг нь "Чононд мах хадгалуулав" гэгчийн үлгэртэй төстэй юм даа! Өөрсдийнхээ эсрэг хууль батална гэж байх у...
  • офшор данс 2017-04-13 04:19:55
    хуцаад байгаач ээ. офшор дансаа гулсуулах боломж өгөх гээд байгаа юм байна. шууд газар дээр нь нам буудах хэрэгтэы шүү дээ.
  • zochin 2017-04-13 03:35:07
    24 tcagiin dotor l arga hemjee g n avsan deer. zuvchuulah argaa oloh tiim tcag huhatcaag luivarchdad ogoh n buruu.mongoo yaj olson oo batal. ...
  • Зочин  2017-04-13 02:13:47
    бусад орнуудын жишгийг дагаад 3сар байхад хангалттай баймаар юм да