Монголбанк зээлээ бүрэн төлж барагдуулжээ

Өнгөрсөн жилүүдэд Монголбанк гадаадын банкуудаас алтаар эргүүлэн төлөх нөхцөлтэйгөөр богино хугацаатай зээл авч байжээ. Тухайлбал 2014 онд 60 сая ам.доллар, 2015 онд 160 сая ам.долларыг 9.3% хүртэл хувийн хүүтэйгээр зээлсэн байдаг.  Эдгээр зээлийн эргэн төлөлтөд 2014 оноос 2016 онуудад Монголбанк нийт 12.1 тонн алтыг ачуулсан байна.

Дээрх зээлийн өртөг өндөр, хугацаа богино, алтаар эргүүлэн төлөх нөхцөл нь эдийн засгийн агуулгаараа үр ашиггүй байсан тул Монголбанкны шинэ удирдлага өмнөх нөхцлөөр дахин зээл авахыг зогсоож, харин авсан зээлийг төлж барагдуулах чиглэлийг 2016 оны наймдугаар сараас баримталж эхэлсэн байна. Үүний үр дүнд Монголбанк 2016 онд багтаан уг зээлийг бүрэн төлж дуусчээ.

Ингэснээр 2017 оноос эхлэн дотоодын алт олборлогч аж ахуйн нэгж, иргэдийн Монголбанкинд тушаах алт нь өмнө тавьсан өрийг барагдуулахад бус, улс орны гадаад валютын нөөцийг нэмэгдүүлэхэд хувь нэмрээ оруулах болно гэдгийг Монголбанк мэдэгдлээ.

 

Б.Орхон

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.