Монголын Үндэсний бөхийн холбооноос зохион байгуулдаг "Дөрвөн уулын хишиг" барилдааны 2017 оны эхнийх болох "Сонгинохайрханы хишиг" барилдаан өчигдөр Монгол бөхийн өргөөнд боллоо.
Арав дахь удаагаа зохион байгуулагдаж буй уг барилдаанд чансаа өндөр 128 бөх зодоглосноос Увс аймгийн Тэс сумын харьяат, Увс нуур дэвжээний бөх улсын харцага Т.Баасанхүү түрүүлж, Архангай аймгийн Булган сумын харьяат, Бөхбилэгт дэвжээний бөх улсын арслан Р.Пүрэвдагва үзүүрлэв. Их шөвөгт Увс аймгийн Ховд сумын харьяат, Увс нуур дэвжээний бөх улсын арслан Н.Батсуурь, Хэнтий аймгийн Өмнөдэлгэр сумын харьяат, Хан Хэнтийн Аварга дэвжээний бөх бөх улсын арслан Э.Оюунболд нар шалгарлаа.
Дунд шөвгийн наймд өсөх идэр начин Э.Энхбат, Л.Цэрэнтогтох, шинэ начин Л.Шинэбаатар, Ч.Хөхчирэнгэр нар шалгарсан байна.
Б.Орхон