Монгол Улсад мөрдөж байгаа Үндсэн хууль, Иргэний хууль, Компанийн тухай хууль, Төрийн болон орон нутгийн өмчийн тухай хууль зэргийг зөрчин, Засгийн газраас "Эрдэнэт" үйлдвэрийн ТУЗ-ийг зуун хувь төрөөс бүрдүүллээ.
"Эрдэнэт" үйлдвэрийн ТУЗ-ийн гишүүн О.Орхон, Б.Мөнхбаатар, Да. Ганболд нарыг чөлөөлж, Эрчим хүчний яамны төрийн нарийн бичгийн дарга З.Мэндсайхан, Уул уурхай, хүнд үйлдвэрийн яамны Бодлого хэрэгжилт зохицуулалтын газрын дарга Д.Даваадорж, ТӨБЗГ-ын дэд дарга А.Дагвадорж нарыг томилжээ.
УИХ-аас баталсан "Эрдэнэт" үйлдвэрийн 49 хувийг төрд авах тогтоол нь ҮХЦ дээр маргаантай байгаа энэ үед эрх баригчдын хуулийг уландаа гишгэсэн шийдвэрүүд ар араасаа хөврөн гарч байгаад хяналт тавьж, зогсоох хүчин алга. Хууль баталж, хэрэгжүүлэгчид нь өөрсдөө хуулиа зөрчсөн шийдвэр гаргаж улайран зүтгэхийн цаад шалтгаан нь “саалийн үнээгээ” эргүүлэн авч, сонгуулийн зардлаа босгох гэсэнтэй холбоотой гэж харддаг.
Ийнхүү "Эрдэнэт" үйлдвэр ард түмний хяналтаас гарч, улстөрчдийн халаас руу урсах нөхцөл бүрдлээ.
Э.Бат