Хотын гудамж талбайг цэвэрлэв
Нийслэлчүүд энэ амралтын өдрүүдэд их цэвэрлэгээ хийж хотынхоо өнгө төрхийг сэргээж байна. НИТХ-ын Ажлын алба, Нийслэлийн Засаг даргын Тамгын газар, Захирагчийн ажлын албаны албан хаагчид өнөөдөр хуваарьт талбай, саадын хогийг цэвэрлэлээ.
 
Нийслэлийн Засаг даргын Тамгын газрын Хяналт шинжилгээ үнэлгээний хэлтсийн дарга Х.Гантулга хэлэхдээ “Улаанбаатар хотын Ерөнхий менежерийн тушаалаар жил бүрийн хавар нийслэлийнхэн их цэвэрлэгээ хийгддэг. Үүний дагуу нийслэлийн бүх дүүрэг өөр өөрийн захирамж гаргаж, дүүргийн харьяа байгууллагууд дүүргийн нутаг дэвсгэр дэх далан суваг, гэр хороолол, жалга гууны хогийг цэвэрлэж байна. Нийслэлийн Засаг даргын Тамгын газар, Иргэдийн төлөөлөгчдийн хурлын Ажлын албаны албан хаагчид Централ таураас Багшийн дээдийн уулзвар хүртэлх талбай, саадын хогийг цэвэрлэлээ. Захирагчийн ажлын албаны албан хаагчид хонхтой цэцэрлэгийн хогийг цэвэрлэж байна. Нийслэлийн хэмжээнд нийслэлийн нутгийн захиргааны 84 байгууллага цэвэрлэгээнд оролцож байна” гэлээ.
 
Үүнээс гадна төрийн бус байгууллагууд мөн их цэвэрлэгээнлд оролцож байгаа юм. Байгууллагуудын цэвэрлэгээнд оролцож байгаа байдалд иргэний хяналт тавих юм байна гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.