Монгол улсын Засгийн газрын БНХАУ-ын “Чалко” компанид өгөх өрийн үлдэгдэл 80 сая ам.доллар болсон тухай өнгөрөгч нэгдүгээр сард мэдээлж байсан. Тэгвэл энэ өрийг 2017 оны 3 дугаар сарын 30-ны өдөр 100 хувь төлж барагдуулжээ. Ингэснээр Баруун болон Зүүн цанхийн уурхайгаас олборлосон нүүрсний орлого Улсын төсөвт орохоор боллоо.
“Эрдэнэс Таван толгой” ХК нь 2011 оны долдугаар сарын 26-нд Хятадын төрийн өмчит “Чалко” компанитай нүүрс худалдах, худалдан авах гэрээ байгуулан урьдчилгаа төлбөр болох 350 сая ам.долларыг авсан билээ.
Энэ дагуу өнгөрсөн хугацаанд зүүн цанхиас олборлосон нүүрснийхээ 65 хувийг нь олборлогч "TTJVCO" компанийн ажлын хөлсөнд, 35 хувийг “Чалко” компанийн өрөнд өгч байсан юм.
Дэлхийн зах зээл дээрх нүүрсний үнэ аль хэдийн 200 ам.доллар давсан ч манай улс нүүрсний үнээ 70 ам.доллараас хэтрүүлж чадахгүй байгаа нь “Чалко”-гоос авсан зээлтэй холбоотой байсан. Тэгвэл энэ өрийг барагдуулж дууссанаар Монгол улс өөрийн дураар нүүрсний үнээ нэмж, дэлхийн зах зээл дээрх ханшаар борлуулах боломж бүрдэж байна.
Дашрамд дуулгахад “Эрдэнэс тавантолгой” компани 23 сая гаруй тонн нүүрс экспортлон “Чалко” компанид нийлүүлжээ. 350 сая ам.долларын өрийг 23 сая тонн нүүрсээр төлснийг тооцвол бид 1 тонн нүүрсээ дунджаар 15 орчим ам.доллараар Чалкод нийлүүлж байсан билээ. Гэтэл олон улсын зах зээлд сүүлийн таван жил орчим хугацаанд нүүрсний дундаж үнэ 40-70 ам.долларын хооронд хэлбэлзэж байсан юм.
Б.Сансар
“Эрдэнэс Таван толгой” ХК нь 2011 оны долдугаар сарын 26-нд Хятадын төрийн өмчит “Чалко” компанитай нүүрс худалдах, худалдан авах гэрээ байгуулан урьдчилгаа төлбөр болох 350 сая ам.долларыг авсан билээ.
Энэ дагуу өнгөрсөн хугацаанд зүүн цанхиас олборлосон нүүрснийхээ 65 хувийг нь олборлогч "TTJVCO" компанийн ажлын хөлсөнд, 35 хувийг “Чалко” компанийн өрөнд өгч байсан юм.
Дэлхийн зах зээл дээрх нүүрсний үнэ аль хэдийн 200 ам.доллар давсан ч манай улс нүүрсний үнээ 70 ам.доллараас хэтрүүлж чадахгүй байгаа нь “Чалко”-гоос авсан зээлтэй холбоотой байсан. Тэгвэл энэ өрийг барагдуулж дууссанаар Монгол улс өөрийн дураар нүүрсний үнээ нэмж, дэлхийн зах зээл дээрх ханшаар борлуулах боломж бүрдэж байна.
Дашрамд дуулгахад “Эрдэнэс тавантолгой” компани 23 сая гаруй тонн нүүрс экспортлон “Чалко” компанид нийлүүлжээ. 350 сая ам.долларын өрийг 23 сая тонн нүүрсээр төлснийг тооцвол бид 1 тонн нүүрсээ дунджаар 15 орчим ам.доллараар Чалкод нийлүүлж байсан билээ. Гэтэл олон улсын зах зээлд сүүлийн таван жил орчим хугацаанд нүүрсний дундаж үнэ 40-70 ам.долларын хооронд хэлбэлзэж байсан юм.
Б.Сансар
olloo.mn