“Улаанбаатар зам засвар, арчлалтын газар” ОНӨААТҮГ-т энэ сарын 21-ний өдрийн 15 цагийн орчимд Энхтайваны гүүрний доорх баруун талын өндрийн хязгаарлалтыг машин мөргөснөөс хазайж, унах гэж байна гэсэн дуудлага иржээ.
Дуудлагын дагуу тус газрын Шуурхай ажлын хэсэг газар дээр нь очиж, яаралтай арга хэмжээ авч ажилласан байна. Ингэхдээ гурван хүний бүрэлдэхүүнтэйгээр портер, автопишик, кран зэрэг техник ашиглан салсан хэсгийг гагнаж, тулгуурыг шинээр бэхэлж гагнан хэвийн болгожээ.
Нэвтрэх