Дансаар мөнгө гуйвуулахдаа харилцагчийнхаа мэдээллийг нягталж байхыг анхаарууллаа
Сүүлийн жилүүдэд БНХАУ-д цахим хэлбэрээр залилан хийх гэмт хэргийн гаралт эрс нэмэгдэж, дотоод, гадаадын компаниудын их хэмжээний мөнгийг залилах хэрэг ихэссээр байна. Энэхүү гэмт хэрэгт хятадад ажиллаж, амьдарч буй манай иргэд төдийгүй БНХАУ-аас бараа, бүтээгдэхүүн худалдан авч буй компаниуд өртөх тохиолдлууд гарах хандлагатай болж байна.

Тухайлбал, бараа бүтээгдэхүүн худалдан авахдаа цахим хэлбэрээр харилцдаг компаниудын цахим хаягт халдаж, худалдаалагч компани биш өөр данс руу их хэмжээний мөнгө шилжүүлүүлэх, мөн хувь хүн, иргэд зарим төрлийн цахим үйлчилгээ авах үед “алдаа гарсан” нэрийдлээр залилагч этгээдүүд утсаар холбогдон цагдаагийн болон банкны ажилтны нэрийг барьж, дансны мэдээллийг нь авч, уг дансан дахь мөнгийг залилж авах зэргээр иргэд болон хуулийн этгээдийг хохироох асуудал гарч байгаа ажээ.
Иймд БНХАУ-аас бараа бүтээгдэхүүн худалдан авч буй манай аж ахуйн нэгжүүл худалдан авах гэрээгээ холбогдох хуулийн дагуу байгуулж, дансаар мөнгө гуйвуулахдаа худалдаалагч компани, байгууллагатай байнгын холбоотой байнга нягтлан шалгаж байхад анхаарч, энэ төрлийн гэмт хэргийн хохирогч болохоос урьдчилан сэргийлэхийг албаныхан сануулж байна.
 
П.ГОО
Оллоо.мн
Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.