Тост, Тосонбумбын нуруунаас 153 мянган га талбайг “хулгайлжээ”

УИХ, Засгийн газрын гишүүн хүн Засгийн газраас илүү эрх мэдэлтэй байдаг юм байна. Тэр бүү хэл, УИХ-ын тогтоолд өөрчлөлт оруулан өөрийн компанийн хүсэл сонирхолд нийцүүлэн гаргуулж болдгийг Сангийн сайд Б.Чойжилсүрэн яруу тод харууллаа хэмээн Өмнөговь аймгийн Гурван тэс сумын иргэд үзэж буйгаа хэвлэл мэдээллийнхний сонорт дуулгалаа.
 
Алдарт Тост, Тосонбумбын нуруу төдийгүй уг нуруунаас эх авах Хөвөөт, Хуршуутын голыг хамгаалах орон нутгийн иргэдийн тэмцэл үргэлжилсээр байгаа ч үр дүнд төдийлөн хүрээгүй төдийгүй Тост, Тосонбумбын нурууны байгалийн нөөцийн хилийн заагийг тогтоох тухай хуульд заасан 896,527,44 га талбайг тусгай хамгаалалтад авахаар болсон ч энэ сарын 15-нд хуралдсан Засгийн газрын ээлжит хуралдаанаар уг газрын хэмжээг 743 мянган га хэмээн тогтоосон нь гурвантэсчүүдийг тэмцэхэд хүргэсэн аж.

Тодруулбал, эрхэм Сангийн сайд эрх мэдэл, албан тушаалаараа түрүү барин “Сауд гоби коал транс” ХХК 153 мянган га талбайд эзэн сууж, Засгийн газрын хуралдаан болохоос тав хоногийн өмнө байгалийн нөөц бүхий Хуршуутын голд тэрэг техникээ байршуулан кэмпээ байгуулан, зам талбай тавьж, хөрсийг нь тэгшилж эхэлсэн байна.
 
Үүнийг эсэргүүцсэн сумын ИТХ-ын дарга Б.Отгонбаяр, БО-ны улсын байцаагч А.Атар, Тост багийн Засаг дарга Н.Галаахүү, Урт багийн Засаг дарга Л.Пүрэвдорж, Байгаль хамгаалагч Ж.Пунцагбад, Ч.Энхзаяа нар тус компанийн эзэмшиж буй талбай дээр очиж, шалгалт хийж, үйл ажиллагааг нь зөгсоох акт гаргасан ч “Сауд гоби коал транс” ХХК-ийнхан үл тоомсорлосон төдийгүй гуравдугаар сарын 18-ны өдөр хөрс хуулалтаа хийж, баяраа тэмдэглэсэн байх юм. Тэгэхээр тус компанийнхан Засгийн газрын шийдвэр хэрхэн гарахыг урьдчилан мэдэж байсан учраас ийн дур зоргоороо авирласан болж таарч буй хэрэг.
 
Орон нутгаас “KhumbaaTumendelger” хэмээх хаяг руу орохыг хүссэн байх агаад уг хаягийг сонирхоход “Б.Чойжилсүрэн Сангийн сайд болоогүй, УИХ-ын гишүүн байхдаа, жил гаруйн өмнө Төрийн ордонд Өмнөговь аймгийн Гурвантэс сумын Засаг дарга асан Г.Гангамаа, ИТХ-ын дарга асан Б.Дэжид бид гурвын өмнөөс харж суугаад “Би энэ газрыг ус булаг бүхий баянбүрд газар гэж мэдээгүй. Манай дүү нар л энэ газрыг хямд үнээр зарах гээд байна гэхээр нь авчихсан юм. Одоо залхаж байна. Үүнийг авчих хүн байвал өгөөд хэдэн төгрөгөө салгаж аваад сэтгэл амар салмаар байна” гээд ярьж байсан хэмээсэн материалыг онцолж дурьдсан нь “Сауд гоби коал транс” ХХК нь Сангийн сайд Б.Чойжилсүрэнгийн оролцоотой гэдгийг нотолж буй хэрэг бус уу.
 
Нөгөөтэйгүүр, Тост, Тосонбумбын нуруунд хайгуулын тусгай зөвшөөрөл 16-г өгсөн байдаг бөгөөд тэдгээрийн зургааг БНХАУ-ын 100 хувь хөрөнгө оруулалттай “Элбэг орд” компани, “Фокс Майншг”, “Мөнхийн номхон далай”, “Намуун тод” ,“Эн Си Ар Ай” компаниуд эзэмшин өөр хоорондоо 10 км зайтайгаар үйл ажиллагаа явуулдаг талаар эх сурвалж өгүүлсэн.

Сайдаар бамбай хийсэн “Сауд гоби коал транс” ХХК нь ч “Мөнгөтэй хүний өмнө төр ч бөхийдөг л байхгүй юу” хэмээн Тост, Тосонбумбын нуруу, байгалийн үзэсгэлэнт Хуршуутын голын онгон зэрлэг хөрсийг орвонгоор нь эргүүлэн гурвантэсчүүдийн эх байгалиа гэсэн сэтгэлийн тайзан дээр бүжиг хийн, найрлаж эхлэв бололтой

 
Түүнчлэн эдүгээ хятад эздийн өмч болоод байгаа талбайд байгаль хамгаалагч Т.Лхагвасүмбэрэл агсны өсгөж, үржүүлж, хамгаалж байсан ирвэсүүд нутагладаг юм байна. Ирвэс хамгаалагч залуугийн амиа алдсан шалтгааныг тодруулах хэргийг шалгасан хуулийнхан “Мөрдөн байцаалтын ажиллагааг өргөжүүлж, хятад эзэдтэй дээрх компаниудыг шалгах хэрэгтэй” гэж байсан ч асуудал тэгсхийгээд намжсан. Талийгаач Тост, Тосонбумбын нуруунд 22-24 ирвэс болон аргаль, янгир тэргүүтэй ан амьтад нутагладаг. Иймээс дээрх байгалийн ховор амьтдыг хамгаалж, экологийн тэндвэрийг хамгаалах шаардлагатай.
 
Ингэхийн тулд Тост, Тосонбумбын нурууг тусгай хамгаалалттай болгох саналыг холбогдох яамандаа гаргаж байсан юм билээ. “Ирвэс хамгаалах сан” ч түүний саналыг дэмжсэн төдийгүй Ашигт малтмалын тухай хуулийн холбогдох заалтыг үндэслэн нөөцөд авахаар болсон ч харамсалтай нь 153 мянган га талбайг хулгайчийн гарт тавиад туучихлаа. Сайдаар бамбай хийсэн “Сауд гоби коал транс” ХХК нь ч “Мөнгөтэй хүний өмнө төр ч бөхийдөг л байхгүй юу” хэмээн Тост, Тосонбумбын нуруу, байгалийн үзэсгэлэнт Хуршуутын голын онгон зэрлэг хөрсийг орвонгоор нь эргүүлэн гурвантэсчүүдийн эх байгалиа гэсэн сэтгэлийн тайзан дээр бүжиг хийн, найрлаж эхлэв бололтой. Энэ асуудлыг орон нутгийнхан ийнхүү гаргаж ирлээ. Хэрхэхийг холбогдох газрууд шийдвэрлэх болов уу хэмээн тэд найдаж байгаа биз ээ.


 

Монголын мэдээ
Г.Очир

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • mongol 2017-04-12 08:19:13
    Onoodor ch yaxab galzuurch l baig ireedvid vr xvvxed. xoich veiig chini xaraal idne dee Choijoo guai
  • зэээ 2017-03-30 05:26:27
    Төр мөнгөтэй гадныханд үйлчилээд байгааг Тэнгэрээс өвөг дээдсүүд харж Хилэн Хорсол нь нэмэгдэж Гадныханы гар хөл болсон Урвагчдыг Аянга мэтээр гэсээх болно ооо!...
  • Nom 2017-03-27 16:36:47
    Ajil hiilgeech yadag vum tatvar tolj bgaa chuu
  • Tord baigaa luibarchid aa!!!!! 2017-03-27 14:39:49
    Mongold yu bolood bna!ard tymen yasan hylzengyi bna be?neg l teserch medne dee!!!
  • УИХ гишүүд дуугар 2017-03-27 14:12:40
    ӨМ-с гарсан Энхболд, Амарзаяа хоёр ард түмнээ эрх ашиг хамгаалж байгаа юмуу, Чойжилсүрэнгийн эрх ашгийг хамгаалаад байгаа юмуу? Одоо өөрсдийгөө харуулаачээ?????...
  • Цэрэн 2017-03-27 13:25:48
    Чойжил сүрэн гэгч хувалз манай нутгаас савраа тат !!!!!!! Өм-с сонгогдсон 2 мануухай дуугараач
  • irgen 2017-03-27 10:31:58
    dornot aimgiin sumver sum huuchinaar halh goliin irged shig gazar nutgiinhaa toloo temcheech
  • zochin  2017-03-27 10:17:32
    eh ornoo baigal orchinoo boddogui shunal aguulsan choijilsurentei tor hariutslaga tootsiy manai tor huul shuuh solongos shig baigaach
  • зочин 2017-03-27 08:21:36
    зайлуулаач энэ тэнэг гөлгөр амьтанг.
  • зочин 2017-03-27 07:52:51
    Алга ташаад сонгоод байдгын үр хор нь энэ .Тэгээд сонгоод бай.Хүртэдгээ хүртээд бай.Бүсгүй хүн хүүхэд гаргаж хаширдаггүй гэдэг шиг
  • П 2017-03-27 06:45:18
    МАН л байхгүй юу даа? 153 мянган Га газрыг авсан, Хятад компанид лецинз зарсан, Лхагвасүмбэрэлийн аминд хүрсэн???
  • иргэн 2017-03-27 06:11:16
    Ман э з хүнд гэж яриад цаагуураа ингэдэг малнууддаа
  • зочин 2017-03-27 05:05:17
    эд нар чинь бүгд л инээдэг баг өмссөн луйварчид шүү дээ.
  • 14 2017-03-27 04:54:09
    Сэтгэл нь ханадаггүй ийм муухай юмнуудыг нэг л өдөр бурхан цээрлүүлнэ дээ. Үр хүүхдээ бодох ухаан Чойжоо гуайд алга уу.........................
  • Irgen 2017-03-27 03:08:29
    Naad nuhur chin ter irves hamgaalah lhagvasumbreluig naachihsan yum bishuu ain
  • Зочин 2017-03-27 02:01:44
    Зайлуулаачээ босоцгоое говьчуудаа
  • 1 2017-03-27 01:32:53
    Unen bol ene luivarching zailuul.