Баянхонгор: Бага насны хүүхдүүд суулгаж явсан машин сураггүй болжээ
Баянхонгор аймагт  энэ сарын 21-нээс эхлэн үргэлжлэн орсон их цас өчигдрийн 11:00 цагийн байдлаар 36 см-н хэмжээнд хүрчээ. Үргэлжлэн орж байгаа их цасны улмаас Эрдэнэцогт, Шаргалжуут зэрэг зарим сумдын чиглэлд мал бэлчээрлэж чадахгүй, тээврийн хэрэгсэл явж болохгүй байгаа бол өнгөрсөн шөнө Гурванбулаг сумаас гарсан бага насны хоёр хүүхэд бүхий дөрвөн хүнтэй приус маркын автомашин сураггүй болсон, улсын чанартай замууд хаагдсан, сумдын замын хөдөлгөөн хязгаарлагдсан зэрэг нөхцөл байдал Баянхонгор аймагт үүсээд байна.
 
Үүссэн нөхцөл байдлын улмаас аймгийн онцгой комисс яаралтай хуралдлаа. Тус хурлаар “Их Богд Зам” ХХК, барилгын цэргийн 339-р ангийн машин техник хүн хүчийг дайчлан аймгийн төвийн болон улсын чанартай замуудыг хусаж цэвэрлэн зам гаргах, шаардлагатай тохиолдолд замд боогдсон тээврийн хэрэгсэлүүдийн зорчигч, иргэд, малчдын амь нас аврах, өвс тэжээл хүргэхэд машин техникийн бүрэн бүтэн бэлэн байдлыг хангах, алга болсон иргэдийг олох эрлийн хэсгийг гаргах Эрдэнэцогт, Шаргалжуут, Баянхонгор сумын зарим багийн малчин өрхүүдэд өвс тэжээл хүргүүлэх, бүх сумын зорчих хөдөлгөөнийг 03-р сарын 23-ний өдрийг дуустал хорих зэрэг арга хэмжээг шуурхай авч хэрэгжүүлэхээр шийдвэрлэлээ.
 
Мөн 03-р сарын 26-аас цаг агаар дулаарч саяны орсон их цас хайлж шар үсний үер болох аюултай ба үүнээс урьдчилан сэргийлэх, иргэдэд сэрэмжлүүлэх арга хэмжээг тухай бүр авч ажиллахыг аймгийн Онцгой Комиссын дарга Г.Батжаргал комиссын гишүүдэд үүрэг болголоо.
 
Б.Сансар
olloo.mn
Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • багш 2017-03-23 05:40:29
    сургуулиудын хүүхдүүд амраад гэртээ харьж чадсан уу? Олимпиадуудыг хойшлуулахгүй юм уу? сайд аа.
  • жуэ 2017-03-23 04:23:40
    сүржигнээд байх вм хуучны цаг энэ байтугай их цас ордог байхад зүгээр л байдаг байв шүү
    • Zochin 2017-03-23 05:38:57
      Bitgii tenegt, chinii huuhduud alga bolson bol chi surjignehgui baihuu, chi teneg ym chini surjignehgui bj bgaad tsogtssiig ni olno l doo