Баянхонгор аймгийн онцгой комисс яаралтай хуралдлаа

Өчигдөр  оройноос үргэлжлэн орсон их цас өнөөдрийн 11:00 цагийн байдлаар Баянхонгор суманд 36 см-ын хэмжээнд хүрчээ. Үргэлжлэн орж байгаа их цасны улмаас Эрдэнэцогт, Шаргалжуут зэрэг зарим сумдын чиглэлд мал бэлчээрлэж чадахгүй, тээврийн хэрэгсэл явж болохгүй байгаа бол өнгөрөгч орой Гурванбулаг сумаас гарсан бага насны хоёр хүүхэд бүхий дөрвөн хүнтэй приус маркын автомашин сураггүй болсон, улсын чанартай замууд хаагдсан, сумдын замын хөдөлгөөн хязгаарлагдсан зэрэг нөхцөл байдал Баянхонгор аймагт үүсээд байна. Тус үүссэн нөхцөл байдлын улмаас аймгийн онцгой комисс яаралтай хуралдлаа.



Хурлаар “Их Богд Зам” ХХК, барилгын цэргийн 339-р ангийн машин техник хүн хүчийг дайчлан аймгийн төвийн болон улсын чанартай замуудыг хусаж цэвэрлэн зам гаргах, шаардлагатай тохиолдолд замд боогдсон тээврийн хэрэгсэлүүдийн зорчигч, иргэд, малчдын амь нас аврах, өвс тэжээл хүргэхэд машин техникийн бүрэн бүтэн бэлэн байдлыг хангах, алга болсон иргэдийг олох эрлийн хэсгийг гаргах Эрдэнэцогт, Шаргалжуут, Баянхонгор сумын зарим багийн малчин өрхүүдэд өвс тэжээл хүргүүлэх, бүх сумын зорчих хөдөлгөөнийг энэ сарын 23-ний өдөр буюу маргаашийг дуустал хорих зэрэг арга хэмжээг шуурхай авч хэрэгжүүлэхээр шийдвэрлэжээ.

Мөн гуравдугаар сарын 26-аас цаг агаар дулаарч саяны орсон их цас хайлж шар усний үер болох аюултай байгаа учраас урьдчилан сэргийлэх, иргэдэд сэрэмжлүүлэх арга хэмжээг тухай бүр авч ажиллахыг аймгийн Онцгой Комиссын дарга Г.Батжаргал комиссын гишүүдэд үүрэг болгожээ.

Б.Орхон

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • Эрдэнэт 2017-03-22 08:41:26
    Ээ, нутаг маань ойрын хэдэн жилдээ зуд турхан болоогүй юмсан. Уул нь ч ирж яваа цаг даа.
    202.131.243.186
    Мэдэгдсэн Хариулах