Монголбанкнаас Улаанбаатар хотын орон сууцны үнийн хоёрдугаар сарын индексийг өнөөдөр зарлалаа. Индекс судалгааг Монголбанкны захиалгаар Үл хөдлөх хөрөнгийн "Тэнхлэг зууч" компани хийж, сар бүр олон нийтэд мэдээлдэг билээ.
Тус судалгаагаар өнгөрсөн хоёрдугаар сард Орон сууцны үнийн ерөнхий индекс 1,01 болж суурь үе буюу 2013 оны нэгдүгээр сараас 0.9%-иар өссөн дүн гарчээ. Харин өнгөрсөн оны мөн үетэй харьцуулахад 4,44 хувиар буурсан байна. Үнийн индексийн үзүүлэлтийг шинэ орон сууц, хуучин орон сууцаар ангилж үзвэл:
Шинэ орон сууцны үнийн индекс 1,14 хувьтай гарсан. Энэ нь өнгөрсөн оны мөн үетэй харьцуулбал 2,33 хувиар буурчээ.
Хуучин орон сууцны үнийн индекс 0,92. Өмнөх сараас 0,26 хувиар өсч, өнгөрсөн оны мөн үеэс 5,53 хувиар буурсан үзүүлэлт юм.
Үзүүлэлт |
Ерөнхий |
Шинэ о/с |
Хуучин о/с |
Индекс |
1,01 |
1,14 |
0,92 |
Индексийн өөрчлөлт /суурь үе-2013.01/ |
0,9% |
14,3% |
-7,8% |
Өмнөх сартай харьцуулахад |
2,85% |
1,44% |
0,26% |
Оны эхэнтэй харьцуулахад |
-0,07% |
-1,03% |
-0,05% |
Өмнөх оны мөн үетэй харьцуулахад |
-4,44% |
-2,33% |
-5,53% |
ОСҮИ-ийг тооцолохдоо тухайн сард Улаанбаатар хотод борлуулагдахаар зах зээлд нийлүүлэгдсэн шинэ, хуучин нийт 4978 орон сууцны мэдээллийг хамруулжээ.
Б.Орхон